ԵՐԵՎԱՆ, 16 հոկտեմբերի. /Նովոստի–Արմենիա/. Հայաստանի կառավարությունն արտահերթ նիստում որոշում է կայացրել երեք մարզպետների նշանակման մասին։
Հայաստանի կառավարությունը հոկտեմբերի 4–ի նիստում ազատել է պաշտոններից վեց մարզպետների «Ծառուկյան» դաշինքից և ՀՅ Դաշնակցությւոնից։ Իրենց պաշտոններից զրկվել են Արագածոտնի մարզպես Աշոտ Սիմոնյանը, Լոռու մարզպետ Հրանտ Մարգարյանը, Վայոց Ձորի մարզպետ Արագած Սաղաթելյանը, Արմավիրի մարզպետ Գագիկ Միրիջանյանը, Գեղարքունիքի մարզպետ Իշխան Սաղաթելյանը և Սյունիքի մարզպետ Կարեն Համբարձումյանը։
Ինչպես նիստի ընթացքում հայտնեց տարածքային կառավարման և զարգացման նախարար Սուրեն Պապիկյանը, նախկին փոխոստիկանապետ Հունան Պողոսյանը նշանակվել է Սյունիքի մարզպետ։
Նրա խոսքով, Արագածոտնի մարզը կգլխավորի տարածքային կառավարման և զարգացման փոխնախարար Դավիթ Գևորգյանը, իսկ Արմավիրի մարզը` Համբարձում Մաթևոսյանը։
Ինչպես լրագրողներին հայտնեց գեներալ լեյտենանտ նախկին փոխոստիկանապետ Հունան Պողոսյանը (հրաժարական է տվել 2018 թ. մայիսի 11–ին), հաճույքով ընդունել է Սյունիքի մարզպետի պաշտոնը զբաղեցնելու առաջարկը։
Նա նշեց, որ ոստիկանության պետի տեղակալի պաշտոնում ութամյա ծառայությունից հետո կարճաժամկետ հանգստի կարիք ուներ և դադարից հետո պատրաստ է անցնել նոր աշխատանքի։
«Ես նոր Հայաստանի կողմնակից եմ։ Մարդիկ, ովքեր ինձ մեղադրում են հին ռեժիմի հետ կապերի մեջ, ստորաքարշությաբ են զբաղվում։ Ես ծառայում եմ ժողովրդին և օրենքին, փորձում եմ օգտակար լինել ժողովրդիս»,– ասաց Պողոսյանը։
Загружается новость ... "Лево"
Նա նշեց, որ ըմբռնումով է մոտենում ցանկացած քննադատության։ Խոսելով իր նոր պաշտոնի մասին` նա ընդգծեց, որ, նախևառաջ, կզբաղվի վստահության մթնոլորտի ձևավորմամբ, որ ժողովուրդը գիտակցի, որ իրավիճակի տերն է։
Երեք մարզպետներ նշանակվել են հոկտեմբերի 10–ին։ Գեղարքունիքի նոր մարզպետ է դարձել Գնել Սանոսյանը, Վայոց Ձորի մարզպետ` Տրդատ Սարգսյանը, իսկ Լոռու մարզպետ` Անդրեյ Ղուկասյանը։ -0-