Նախագահը ցավակցական ուղերձ է հղել 6 մարդու կյանք խլած ողբերգական ՃՏՊ-ի կապակցությամբ

ԵՐԵՎԱՆ, 6 հուլիսի. /Նովոստի-Արմենիա/. Հայաստանի նախագահ Արմեն Սարգսյանը ցավակցական ուղերձ է հղել Երևան-Երասխ ավտոճանապարհին տեղի ունեցած ողբերգական ՃՏՊ-ի կապակցությամբ:

Շաբաթ ժամը 15։20-ի սահմաններում Երևան-Մեղրի ավտոճանապարհի, ժողովրդին հայտնի՝ Արարատի Զոդի կարմրջի վրա բախվել են Toyota, ՎԱԶ 2106 մակնիշի և մարդատար «Գազել» մակնիշի ավտոմեքենաները։

ՃՏՊ-ի հետևանքով ավտոմեքենայի վարորդը մահացել է:

Ըստ նախնական տվյալների՝ կա 13 տուժած: Պատահարի հետևանքով մահացել է 6 քաղաքացի:


«Խորը ցավ ու կսկիծ ապրեցի՝ տեղեկանալով Երևան–Երասխ ավտոճանապարհին տեղի ունեցած ողբերգական ավտովթարի մասին»,- Սարգսյանի խոսքն է մեջբերում նախագահի մամուլի ծառայությունը:

Նա Խորապես ցավակցել է ճանապարհատրանսպորտային պատահարի հետևանքով զոհված հայրենակիցների ընտանիքներին, հարազատներին ու մերձավորներին, իսկ վիրավորներին` մաղթել շուտափույթ ապաքինում: -0-