«Միսս Հայաստան 2017» մրցույթի հաղթողը նոր թագ է նվեր ստացել

ԵՐԵՎԱՆ, 11 հոկտեմբերի. /Նովոստի Արմենիա/. Ֆրանսիայում «Միսս Հայաստան 2017» մրցույթի հաղթող 17–ամյա Լիլի Սարգսյանին նոր թագ են նվիրել, հայտնեց մրցույթի կազմակերպիչ Գոհար Հարությունյանը։

«Միսս Հայաստան 2017» գեղեցկության մրցույթը կայացել է սեպտեմբերի 24–ին, ինչիս հետո հաղթող Լիլի Սարգսյանը զրկվել է «Artyom's» ընկերության պատրաստած թագից` ոսկերչական ընկերության և մրցույթի կազմակերպիչների միջև ծագած տարաձայնությունների պատճառով։

Ինչպես լրագրողներին հայտնեց Հարությունյանը, բանակցություններից հետո թագն այդպես էլ Սարգսյանին չվերադարձվեց։


«Մենք որոշեցինք գովազդի զոհ չդառնալ, քանի որ ընկերությունը չափազանց մեծ պահանջներ էր ներկայացնում։ Իմանալով այդ մասին` հաղթողին թագ ուղարկեցին Ֆրանսիայից։ Նրանք խնդրեցին չնշել իրենց անունը, ես կարծում եմ` դա ընկերություն է»,– ասաց Հարությունյանը, ավելացնելով, որ սփյուռքը դրական է արձագանքել մրցույթի անցկացմանը։

Հարությունյանը հայտնեց նաև, որ «Միսս Հայաստան» մրցույթը կանցկացվի նաև հաջորդ տարի, բայց այն ծրագրված է գարնանը։

«Միսս Հայաստան 2017» տիտղոսակիր Լիլի Սարգսյանը պատրաստվում է ներկայացնել Հայաստանը «Միսս աշխարհ 2017»–ին, որը կկայանա նոյեմբերի 18–ին Չինաստանում։ -0-