ԵՐԵՎԱՆ, 11 փետրվարի. /Նովոստի–Արմենիա/. Հայաստանի խորհրդարանի փոխխոսնակ Ալեն Սիմոնյանն առաջարկել է վերադառնալ 2013 թվականին չեղարկված ամառային ժամանակին։ Facebook–ի իր էջում նա հայտնել է, որ առաջիկայում շրջանառության մեջ կդրվի համապատասխան օրինագիծը։
«Այն կվերաբերվի «ՀՀ տարածքում ժամանակի հաշվարկման կարգի մասին» օրենքին, որը հնարավորություն կտա մեր համաքաղաքացիներին հոսանքի վճարների մինչև 10%-ի խնայողություններ անել»,– գրել է Սիմոնյանը։
Ինչու՞ է Հայաստանը հրաժարվել ամառային ժամանակից
2012 թվականի փետրվարի 9–ին Հայաստանի Ազգային ժողովը հաստատել է «ՀՀ տարածքում ժամանակի հաշվարկման կարգի մասին» օրենքի լրացումներին, որոնց համաձայն, Հայաստանը հրաժարվել է ամառային ժամանակին անցնելուց։
Հարցի պատմությունը
Առաջին անգամ ժամի սլաքը տեղափոխվել է Մեծ Բրիտանիայում 1908 թվականին, ինչից հետո բազմաթիվ երկրներ հետևել են նրա օրինակին։
«Ամառային», իսկ այնուհետև «ձմեռային» ժամանակի անցնելու կողմնակիցները վստահ են, որ դա ունի տնտեսական հիմնավորում, նրանց գլխավոր փաստարկն էլեկտրաէներգիայի և էներգակիրների խնայումն է։
Ժամանակը փոխելու հակառակորդները կարծում են, որ գործող համակարգը հանգեցնում է «արթմնիություն–քուն» անուղղակի, բայց կենսական և գենեթիկորեն կարևոր ռիթմի խախտման։ Հոգեբանները, մասնավորապես, կարծում են, որ ամառային ժամանակին անցնելուց հրաժարվելն օգնում է կենսառիթմերի խախտմամբ պայմանավորված սթրեսներից և հոգեբանական բեռնվածությունից խուսափելուն։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում