ԵՐԵՎԱՆ, 30 նոյեմբերի. /Նովոստի–Արմենիա/. Հայաստանի Սահմանադրական դատարանը դիտարկի Ազգային ժողովի արձակմանը խոչընդոտող օրենքն արտահերթ ընտրությունների արդյունքներով նոր խորհրդարանի ձևավորումից հետո։
Հայաստանի նախագահ Արմեն Սարգսյանը հոկտեմբերի վերջին Սահմանադրականա դատարան է ուղղել խորհրդարանի արձակմանը խոչընդոտող սկանդալային օրենքը։ Հոկտեմբերի 2–ին խորհրդարանի կողմից ԱԺ արձակումը չթույլատրող օրինագծի ընդունումից հետո Հայաստանի վարչապետ Նիկոլ Փաշինյանը դուրս բերեց մարդկանց փողոց և հայտարարեց «Բարգավաճ Հայաստան» և «Դաշնակցություն» կուսակցությունների նախարարներին պաշտոններից ազատելու մասին։ Ավելի ուշ Փաշինյանը հրաժարական տվեց խորհրդարանի արձակման և արտահերթ խորհրդարանական ընտրություններ անցկացնելու համար։
Սահմանադրական դատարանի կայքում հրապարակված նիստերի ժամանակացույցի համաձայն, նախագահի դիմումի դիտարկման նիստը նշանակված է 2019 թվականի հունվարի 22–ին։
Միաժամանակ պատասխանողի դերում Ազգային ժողովն է, որն այդ պահին արդեն նոր է լինելու։
Օրենքում կատարած փոփոխությունների համաձայն, եթե խորհրդարանի նիստը չի կարող անցկացվել քվորումի բացակայության պատճառով կամ խոչընդոտներ են ստեղծվում պատգամավորների մասնակցության համար, ապա առաջարկվում է դադարեցնել նիստը և շարունակել այն խոչընդոտող հանգամանքները վերացնելուց հետո։ Ինչպես նշում են օրենքի հակառակորդները, դրանով իսկ ՀՀԿ–ն և օրինագիծը պաշտպանող քաղաքական ուժերը փորձում են խուսափել խորհրդարանի հնարավոր արձակումից և արտահերթ ընտրությունների անցկացումից։ Բանն այն է, որ ԱԺ կանոնակարգի համաձայն, եթե պատգամավորները երկու անգամ չեն քվեարկում վարչապետի թեկնածության օգտին, ապա խորհրդարանն արձակվում է իրավունքի ուժով։
Հայաստանի վարչապետ Նիկոլ Փաշինյանը հոկտեմբերի 16-ին հրաժարական տվեց` խորհրդարանի արձակման և արտահերթ խորհրդարանական ընտրություններ անցկացնելու նպատակով: Նոյեմբերի 1-ի արտահերթ նիստում պատգամավորները երկրորդ անգամ չընտրեցին վարչապետ, և, Սահմանադրությանը համապատասխան, խորհրդարանն արձակվեց իրավունքի ուժով: Նույն օրը Հայաստանի նախագահ Արմեն Սարգսյանը հրամանագիր ստորագրեց արտահերթ խորհրդարանական ընտրությունները դեկտեմբերի 9-ին անցկացնելու վերաբերյալ:
Ըստ ԿԸՀ–ի, ընտրություններին մասնակցելու հայտ են ներկայացրել 11 քաղաքական կուսակցություններ և դաշինքներ: Փաստաթղթեր են ներկայացրել «Իմ քայլը» դաշինքը, «Բարգավաճ Հայաստան» կուսակցությունը, «Ազգային առաջընթաց», «Քրիստոնեաժողովրդական վերածնունդ» կուսակցությունները, «Սասնա ծռեր» համահայկական կուսակցությունը, «Օրինաց երկիր» կուսակցությունը, «Մենք» կուսակցական դաշինքը, ՀՅԴ–ն, «Լուսավոր Հայաստան» կուսակցությունը, Հայաստանի հանրապետական կուսակցությունը, «Քաղաքացու որոշում» սոցիալ–դեմոկրատական կուսակցությունը։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում