ԵՐԵՎԱՆ, 7 փետրվարի./Նովոստի–Արմենիա/. Հայաստանի վարչապետ Նիկոլ Փաշինյանը կոչ է արել հայրենակիցներին հետևել համացանցում կոռեկտ տեքստեր գրելու կանոններին:
«Սիրելի՛ հայրենակիցներ. հասարակական նախաձեռնությամբ 2012 թվականից ի վեր փետրվարի 7-ը հռչակվել է համացանցում հայատառ գրելու օր: Այս առումով ինձ համար բոլոր օրերն էլ փետրվարի 7-ն են, և ուզում եմ բոլորիդ կոչ անել՝ համացանցում հայերեն տեքստերը գրել հայատառ»,- գրել է նա իր Facebook-ում:
Загружается новость ...
"Право"
Կառավարության ղեկավարն ավելացրել է, որ դա առավել հարգալից մոտեցում է ոչ միայն մեր ազգային հանճարի՝ Մեսրոպ Մաշտոցի, այլեւ բոլոր այն օգտատերերի նկատմամբ, ովքեր կարդում են մյուսների գրառումները:
Առաջին անգամ տառադարձության փոխարեն հայատառ գրելու ակցիան անցկացվել է 2012 թվականի փետրվարի 7-ին բլոգեր Զոհրաբ Եգանյանի նախաձեռնությամբ: Այդ օրվանից տեխնոլոգիաների զարգացմանը զուգընթաց ավելի մեծ թվով օգտատերեր անցնում են հայկական այբուբենի, իսկ փետրվարի 7-ը դարձել է համացանցում հայատառ գրելու օր: -0-