ԵՐԵՎԱՆ, 24 հունվարի./Նովոստի–Արմենիա/. Հայաստանի հատուկ քննչական ծառայությունը կրկին վարույթ է ընդունել Պանամայի օֆշորների սկանդալային գործը, որում շրջանառվում է Հայաստանի դատական ակտերի հարկադիր կատարման ծառայության նախկին պետ, արդարադատության գեներալ մայոր և նախկին պատգամավոր Միհրան Պողոսյանի անունը։
Այդ մասին «Նովոստի–Արմենիա» գործակալությանը հինգշաբթի հայտնեց ՀՔԾ մամուլի քարտուղար Մարինա Օհանջանյանը։
Ավելի վաղ Հետաքննող լրագրողների միջազգային կոնսորցիրումը (ICIJ) հաղորդում էր տարածել, որ թավշյա հեղափոխությունից մի քանի ամիս անց Հայաստանի կառավարությունը սկսել է հետաքննել Պողոսյանի հետ կապված Պանամայի սկանդալի գործը։
Պողոսյանի հետ կապված օֆշորային գործարքների քրեական գործը Հատուկ քննչական ծառայությունում հարուցվել է 2016 թվականի մայիսի 2–ին Հայաստանի ՔՕ 310–րդ հոդվածի հատկանիշներով (Անօրինական ձեռնարկատիրական գործունեություն)։
2016 թվականի ապրիլի 3–ին Հետաքննող լրագրողների միջազգային կոնսորցիրումը և Կոռուպցիայի և կազմակերպված հանցավորության ուսումնասիրության կենտրոնը
(OCCRP) հրապարակել են օֆշորների համաշխարհային ցանցին նվիրված հետաքննությունը։
Խոսքը գնում էր մոտ 11.5 տարբեր տեսակի փաստաթղթերի մասին, որոնք բացահայտում են «ստվերային տնտեսության» իրական ծավալները։
Загружается новость ...
"Право"
ICIJ–ի հրապարակած փաստաթղթերում թվարկվել են նաև ընկերություններ, որոնք պատկանել են Հայաստանի ԴԱՀԿ նախկին պետին։ Hetq.am հայկական կայքի տվյալներով, Պողոսյանը Պանամայում գրանցված երեք ընկերությունների` «Sigtem Real Estates Incorporated», «Hopkinten Trading Incorporated» և «BANGIO INVEST S.A.»–ի, բաժնետեր է եղել։ Այդ ընկերությունների օգնությամբ նա ստացել է եկամուտներ` թաքցնելով ստացվող եկամուտները։
Ապրիլի 18–ին ինքը` Պողոսյանը, հայտարարել է հրաժարական տալու մտադրության մասին, ափսոսանք հայտնելով, թե Պանամայի օֆշորների մասին հրապարակումներում և միջազգային մամուլում հիշատակվել է իր անունը։
2016 թվականի ապրիլի 23–ին Հայաստանի այն ժամանակի նախագահ Սերժ Սարգսյանը հրամանագիր է ստորագրել Պողոսյանին հանրապետության գլխավոր դատական կատարողի պաշտոնից ազատելու մասին։
2016 թվականի ապրիլի 27–ին «Պանամայի գործով» նյութերն ուղղվել էն Հատուկ քննչական ծառայություն։ 2016 թվականի հունիսին և հուլիսին ՀՔԾ–ի կողմից հարուցված քրեական գործի շրջանակում Պողոսյանը երկու անգամ հարցաքննվել է, իսկ 2017 թվականի հունվարի 24–ին Հատուկ քննչական ծառայությունը դադարեցրել է քրեական գործը հանցակազմի բացակայության պատճառով։ -0-