Հինգշաբթի` մայիսի 23–ի առավել ուշագրավ նորությունները
08:00
24 Մայիսի 2019
ԵՐԵՎԱՆ, 24 մայիսի./Նովոստի–Արմենիա/. «Նովոստի–Արմենիա» գործակալությունը ներկայացնում է հինգշաբթի` մայիսի 23–ի առավել ուշագրավ նորությունների իր տարբերակը։
Հայաստանի և Չինաստանի միջև վիզային ռեժիմը կվերանա։ Համապատասխան համաձայնագրի ստորագրման առաջարկությանը հավանություն է տվել ՀՀ կառավարությունը։ Դա նշանակում է, որ Հայաստանի և Չինաստանի վավեր սովորական անձնագրեր կրող քաղաքացիներն ազատվում են մուտքի արտոնագրի պահանջից իրենց մուտք գործելու ամսաթվից՝ մինչև 90 օր ժամկետով՝ 180 օրվա ընթացքում:
Երևանում կկառուցվի ընտանեկան ժամանցի և զվարճանքի այգի` եվրոպական արտադրության վերջին սերնդի կարուսելներով։ Այդ մասին նախօրեին կառավարության նիստի ընթացքում հայտարարեց Տնտեսական զարգացման և ներդրումների նախարար Տիգրան Խաչատրյանը` ներկայացնելով նախագիծը։
Երևանի պետական համալսարանի ռեկտոր Արամ Սիմոնյանը հրաժարական է տվել: Այս մասին գրել է բուհի մամուլի խոսնակ Գևորգ Էմին-Տերյանը Facebook-ի իր էջում:
Նա ավելացրել է, որ պաշտոնական հայտարարություն կլինի: Ավելի ուշ ԵՊՀ ռեկտոր Արամ Սիմոնյանը պատմեց իր որոշման պատճառների մասին։
Ինչպես հայտնում է ԵՊՀ մամուլի ծառայությունը, նրա հեռանալու հիմնական պատճառը բուհի 100–ամյակի նախօրեին համալսարանի շուրջ ստեղծված ծանր մթնոլորտն էր։
Երևանում կայացած հանրահավաքի ժամանակ «Դաշնակցություն» կուսակցությունը դեղին քարտեր է ցույց տվել վարչապետ Նիկոլ Փաշինյանի կառավարությանը և նախազգուշացրել է, որ մի օր այդ քարտերը կարմիր կդառնան։ -0-
ՊԵԿ-ը հայտարարագիր ներկայացնողներին հիշեցնում է, որ հայտարարագիր ներկայացնելու համար նախօրոք պետք է իրականացնել անձի նույնականացման գործընթաց և ձեռք բերել էլեկտրոնային ստորագրություն․ ՎԻԴԵՈ
Ամերիաբանկի փոքր և միջին ձեռնարկատիրության (ՓՄՁ) վարկային պորտֆելը 2023թ-ին ավելացել է ավելի քան 30%-ով՝ 31.12.2023թ-ի դրությամբ կազմելով 222,6 մլրդ ՀՀ դրամ