ԵՐԵՎԱՆ, 4 հունիսի. /Նովոստի–Արմենիա/. Կառավարության կառուցվածքային փոփոխություններով պայմանավորված՝ վերակազմակերպված նախարարություններում շարունակվում է փոփոխությունների և վերանշանակումների գործընթացը:
Ինչպես հայտնում է վարչապետի մամուլի ծառայությունը, վարչապետի որոշմամբ, մի շարք փոխնախարարներ են նշանակվել վերակազմավորվող նախարարություններում։
Նշանակված փոխնախարարների ցանկը ներկայացված է էլեկտրոնային կառավարության կայքում։
Իրինա Ղափլանյանը նշանակվել է շրջակա միջավայրի փոխնախարարի պաշտոնում։
Արևիկ Անափիոսյանը, Գրիշա Թամրազյանը և Արայիկ Խզմալյանը նշանակվել են կրթության, գիտության, մշակույթի և սպորտի փոխնախարարների պաշտոնում։
Գեղամ Վարդանյանը նշանակվել է բարձր տեխնոլոգիական արդյունաբերության փոխնախարար։
Արտակ Քամալյանը և Ավագ Ավանեսյանը նշանակվել են էկոնոմիկայի նախարարի տեղակալների պաշտոնում։
Լիլիա Շուշանյանը, Բագրատ Բադալյանը և Հակոբ Վարդանյանը նշանակվել են տարածքային կառավարման և ենթակառուցվածքների փոխնախարարների պաշտոնում։ Հայաստանի Ազգային ժողովը մայիսի 8-ին երկրորդ և վերջնական ընթերցմամբ ընդունեց «Կառավարության կառուցվածքի մասին» օրենքում փոփոխություններ և լրացումներ կատարելու մասին օրինագիծը: Կառավարության ներկայացված փոփոխությունների օգտին քվեարկել է միայն «Իմ քայլը» խմբակցությունը:
Ըստ օրինագծի, Հայաստանում նախարարությունների թիվը կկրճատվի մինչև 12: Կվերացվի նաև առաջին փոխվարչապետի ինստիտուտը, իսկ փոխվարչապետների թիվը կկարճատվի մինչև 2-ի:
Օպտիմալացման արդյունքում մշակույթի ու սպորտի և երիտասարդության հարցերով նախարարություններըմիաձուլվել են կրթության և գիտության նախարարության հետ, որը կոչվում է գիտության, կրթության, մշակույթի և սպորտի նախարարություն:
Загружается новость ... "Лево"
Բացի այդ, գյուղատնտեսության ու տնտեսական զարգացման և ներդրումների նախարարությունները միացել են էկոնոմիկայի նախարարության կազմում: Էներգետիկ ենթակառուցվածքների և բնական պաշարների նախարարությունը և տարածքային կառավարման և զարգացման նախարարությունը միացել են` ստեղծելով տարածքային կառավարման և ենթակառուցվածքի նախարարություն, որի իրավասության տակ կլինի ամբողջ տրանսպորտային համակարգը, ինչպես նաև ճանապարհային ենթակառուցվածքի հարցերը:
Տրանսպորտի, կապի և տեղեկատվական տեխնոլոգիաների նախարարությունը վերանվանվել է բարձր տեխնոլոգիական արդյունաբերության նախարարություն։
Սփյուռքի նախարարությունը միացվել է վարչապետի աշխատակազմին և դարձել Սփյուռքի հարցերով գլխավոր հանձնակատարի կոմիտե:-0-
