ԵՐԵՎԱՆ, 29 մարտի. /Նովոստի–Արմենիա/. Վրաստանի տարածքով դեպի Հայաստան ցամաքային երթուղիով հացահատիկի ներկրման ժամանակ խնդիրներ են առաջացել, գրում է «Ժամանակ» թերթը։
«Վրացական կողմը նախօրեին բեռնափոխադրողներին հայտնել է, որ այսօրվանից հացահատիկով բեռնված բեռնատարների քաշը պետք է կազմի 40 տոննա, այլ ոչ թե 44»,– գրում է պարբերականը` հղում անելով բեռնափոխադրողներին։
Загружается новость ... "Лево"
Նրանք նշում են, որ առաջադրվող պայմանները տարօրինակ են և անհասկանալի։
«Բեռնափոխադրումների միջազգային չափանիշներով, բեռնատարը և բեռը միասին պետք է կշռեն 44 տոննա։ Իսկ այժմ Վրաստանում մեկ գիշերվա ընթացքում որոշել են, որ բեռնատարն ու բեռը պետք է կշռեն 40 տոննա։ Խոսքը, մասնավորապես, հացահատիկի մասին է»,– նշել է թերթի զրուցակիցը։ -0-