ԵՐԵՎԱՆ, 23 հունվարի./Նովոստի–Արմենիա/. Հայաստանը կարող է ներդնել դեղերի էլեկտրոնային դեղատոմսերի տրամադրման պրակտիկա, չորեքշաբթի լրագրողներին ասաց առողջապահության նախարար Արսեն Թորոսյանը։
Մենք կանգնած ենք երկընտրանքի առջև։ Մի կողմից, դեղատոմսերի ներդրումն անհրաժեշտ ենք համարում, մյուս կողմից` վատ օրինակ և դեղատոմսերի ներդրման ձախողում ունենք, և չենք ուզում ամպագոռգոռ հայտարարություններ անել, որոնք հետո չենք կարողանա իրագործել»,– ասաց Թորոսյանը։
Նրա խոսքով, համակարգի ներդրման խնդիրներից մեկը տվյալ պահին դեղատոմսերի դուրսգրման, ինչպես նաև դեղատոմսերով բաց թողնվող դեղորայքի վաճառքի վերահսկողության բացակայությունն է։
Նա նշեց, որ նոր համակարգին ավելի սահուն անցնելու համար Առողջապահութւյան նախարարությունը ծրագրում է ներդնել էլեկտրոնային դեղատոմսերի համակարգ, որոնք սկզբնական փուլում կգործեն սովորականների հետ զուգընթաց։
«Մենք հետաձգել ենք համակարգի ներդրումը, որ հասկանանք համակարգի աշխատանքը, որն առայժմ կգործի սովորականի հետ միասին, ինչպես նաև հասկանալու համար, թե ընթացակարգային ինչ փոփոխություններ է պետք կատարել»,– ասաց Թորոսյանը։
Նրա խոսքով, առայժմ վստահություն չկա, որ համակարգը կներդրվի 2019 թվականի հունիսի 1–ից, սակայն նշեց, որ միանշանակ կփոխվի դեղատոմսի ձևը, մասնավորապես, կկրճատվեն լրացման դաշտերը։
Загружается новость ... "Лево"
Նախարարը նշեց նաև, որ այս պահին դեղատոմսերով են վաճառվում միայն հակավիրուսային դեղամիջոցները և հակաբիոտիկները։
2018 թվականի մարտի 1–ից Հայաստանում հոգեմետ դեղերն ու հակաբիոտիկները բաց են թողնվում միայն դեղատոմսերով։ Հուլիսի 1–ից դեղատոմսը պետք է անհրաժեշտ լիներ ներարկումների համար նախատեսված միջոցների համար։ Հոկտեմբերի 1–ից դեղատոմսերով պետք է վաճառվեին բոլոր մյուս դեղամիջոցները, որոնք գրանցված են Հայաստանում որպես դեղեր, որոնք ենթակա են բաղթողնման դեղատոմսերով։ -0-
