ԵՐԵՎԱՆ, 5 օգոստոսի./Նովոստի–Արմենիա/. Հայաստանի Քննչական կոմիտեում քննվել է կոռուպցիոն 1016 քրեական գործ, իսկ պետությանը հասցված վնասի ընդհանուր չափը կազմել է 1.8 մլրդ դրամ։ Այդ մասին հայտնում է ՔԿ մամուլի ծառայությունը։
Հաղորդման մեջ նշվում է, որ 518 գործ վարույթ է ընդունվել 2019 թվականին, իսկ 498 գործ արդեն եղել է վարույթում տարեսկզբին։ 555 գործ կքննվի 2019 թվականի երկրորդ կիսամյակում։
329 քրեական գործերով նախաքննությունն ավարտված է։ Դրանցից 73–ը մեղադրական եզրակացությամբ ուղարկվել են դատարան, 256–ով վարույթը կարճվել է։
Նշվում է, որ հարուցված քրեական գործերի շրջանակում հետապնդման է ենթարկվել 669 անձ, դրանցից 43–ը` ձերբակալվել։ Մեղադրանք է առաջադրվել 474 անձի։
Հաղորդվում է, որ առողջապահության ոլորտում կոռուպցիայի հատկանիշներով քրեական գործ է տարվում 20 անձանց, կրթության ոլորտում` 55 անձանց, իրավապահ ոլորտում` 1, սոցիալական ապահովման` 37, էներգետիկայի և բնական պաշարների` 14, տեղական ինքնակառավարման` 82, պաշտպանության` 109, այլ ոլորտներում` 73 անձի նկատմամբ։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
