Հայաստանի ճանապարհներից մեկի երթևեկությունը ժամանակավորապես սահմանափակ է

ԵՐԵՎԱՆ, 12 հուլիսի. /Նովոստի–Արմենիա/. ՀՀ տարածքում բոլոր ավտոճանապարհներն անցանելի են, Գետափ-Մարտունի ավտոճանապարհը երթևեկելի է միակողմանի։

ՀՀ արտակարգ իրավիճակների նախարարության տեղեկատվության համաձայն, հուլիսի 12-ին ժամը 11:30-ի դրությամբ ՀՀ տարածքում բոլոր ավտոճանապարհներն անցանելի են:

Մ-10 ավտոճանապարհի Գետափ-Մարտունի ավտոճանապարհի 6-րդ կմ-ին հարակից ՋԷԿ-ը սնուցող ջրատար խողովակից տեղի է ունեցել ջրի արտահոսք, ինչի հետևանքով ավտոճանապարհի ասֆալտի շերտը (մոտ 20 մ երկարությամբ) վնասվել է, ճանապարհը դարձել է միակողմանի երթևեկելի: Իրականացվում են ճանապարհահատվածի նորոգման աշխատանքներ:

Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ՃԿԿ-ից ստացված տեղեկատվության համաձայն Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։-0-