Հայաստանի բնակչությունը շարունակում է պակասել

ԵՐԵՎԱՆ, 31 հուլիսի./Նովոստի–Արմենիա/. Հայաստանի բնակչության թիվն ընթացիկ տարվա տվյալներով, 2011 թվականի մարդահամարի հիման վրա 2017 թվականի հուլիսի 1–ի դրությամբ կազմել է 2 979,9 մարդ։ Այդ մասին են վկայում հանրապետության Ազգային վիճակագրական ծառայության նախնական տվյալները։

Այս տարվա հուլիսի 1–ի դրությամբ Հայաստանի բնակչության թիվը նախորդ տարվա նույն ժամանակահատվածի համեմատ նվազել է 15.2 հազարով։

2017 թվականի հունվարի 1–ի համեմատ բնակչության թիվը նվազել է 6.2 հազարով, ինչը պայմանավորված է եղել միգրացիոն բացասական սալդոյի աճով` 8.7 հազար մարդ բնակչության 2.5 հազարանոց բնական հավելաճի նկատմամբ։

ԱՎԾ տվյալներով, Հայաստանի քաղաքային բնակչության թիվը հունիսի վերջին կազմել է 1 898 հազար (կրճատումը` 7.7 հազարով), ընդ որում, Երևանում` 1 075.1 հազար բնակիչ։ Գյուղական բնակավայրերում բնակչության թիվը նվազել է 7.5 հազարով` մինչև 1 081.9։

Հայաստանի նախագահ Սերգ Սարգսյանը, ելույթ ունենալով նորընտիր խորհրդարանի առաջին նիստում, հայտարարել է, որ Հայաստանի բնակչությունը մինչև 2040 թվականը պետք է հասնի 4 մլն–ի` երկրի ժողովրդագրական վիճակի կտրուկ բարելավման հաշվին։ -0-