Հայաստանի փոխարտգործնախարարը նշեց վիզաների ռեժիմի ազատականազման ժամկետներն ու պայմանները

ԵՐԵՎԱՆ, 31 մայիսի. /Նովոստի-Արմենիա/. Հայաստանի և Եվրամիության օրակարգում կարևորագույն կետերից մեկն է վիզաների ռեժիմի ազատականացումը: Այդ մասին հինգշաբթի հայտարարեց Հայաստանի փոխարտգործնախարար Արմեն Պապիկյանը:

«Եվրամիության հետ մեր ընդհանուր հռչակագրում հստակ նշված է, որ վիզաների ռեժիմի ազատականացումը կսկսվի ողջամիտ ժամկետներում: Դա նշանակում է, որ Հայաստանը և ԵՄ անդամ-պետությունները պետք է իրականացնեն գործողությունների հատուկ ծրագիր: Խոսքը Ռեադմիսիայի մասին համաձայնագրի պահանջների կատարման, ինչպես նաև Հայաստանի` Եվրոպայում անօրինական բնակվող քաղաքացիներին ընդունելու պատրաստակամության մասին է», - ասաց Պապիկյանը:


Փոխնախարարը հայտարարել է նաև այն մասին, որ այս հարցի համատեքստում խոսքը նաև ԵՄ անդամ որոշ պետությունների համաձայնություններից վիզաների ռեժիմի ազատականացման համաձայնություն ստանալն է ` հրաժարվելով նշել այն երկրները, որոնց մասին խոսք է գնում:

Ընդ որում Պապիկյանը նշեց, որ վիզաների ռեժիմի ազատականացման մասին բանակցությունները սկսվել են դեռ 2014 թվականին, այսինքն դեռևս մինչև Հայաստանի ու ԵՄ Համապարփակ և ընդլայնված գործընկերության համաձայնագրի պաշտոնական ստորագրումը:-0-