ԵՐԵՎԱՆ, 17 ապրիլի./Նովոստի–Արմենիա/. Հայաստանի գլխավոր տնօրեն Արտակ Դավթյանը շրջանցեց Պետական վերահսկողական ծառայության ղեկավար Դավիթ Սանասարյանին քրեական գործով որպես կասկածյալ ներգրավելու վերաբերյալ հարցը:
ԶԼՄ–ների տվյալներով, Հայաստանի Պետական վերահսկողական ծառայության ղեկավար Դավիթ Սանասարյանը որպես կասկածյալ է ներգրավվել իրեն վստահված գերատեսչության աշխատակիցների նկատմամբ քրեական գործով։ Որպես խափանման միջոց ընտրվել է չհեռանալու ստորագրությունը, իսկ, Քրեական օրենսգրքի համաձայն, խափանման միջոց կարող է ընտրվել դատավարական կարգավիճակ ունեցող անձի նկատմամբ, այսինքն` կամ կասկածյալի, կամ մեղադրյալի նկատմամբ։ հաղորդվում է նաև, որ անցկացվել է առերեսում Սանասարյանի և նրա գերատեսչության ղեկավար Սամվել Ադյանի միջև։
Загружается новость ... "Лево"
«Վերահսկողական ծառայության աշխատակիցների նկատմամբ հարուցվել է քրեական գործ և սկսվել է քրեական հետապնդում, քննությունը շարունակվում է, բոլոր վարկածները ստուգվում են։ Չեմ ուզում ուղիղ պատասխան տալ, բայց խոստանում եմ, որ առաջիկայում կտրամադրվի մանրամասն տեղեկություն»,– ասաց Դավթյանը Սանասարյանին ձերբակալելու պատճառները մեկնաբանելու խնդրանքին ի պատասխան։
Գլխավոր դատախազը միաժամանակ նշեց, որ այս պահին չի կարող ասել ավելին, քանի որ դա է պահանջում քննության գաղտնիքը, ընդգծելով, որ կտրամադրի տեղեկություն, հենց որ հնարավոր լինի։
Փետրվարի 20–ին ԱԱԾ–ն քրեական գործ է հարուցել ՀՀ պետական վերահսկողության ծառայության պաշտոնատար անձանց կողմից պաշտոնեական դիրքի չարաշահմամբ պետական գնումների գործընթացին առերևույթ ապօրինի միջամտելու և օրինական ձեռնարկատիրական գործունեության համար խոչընդոտներ ստեղծելու դեպքերի առթիվ՝ ՀՀ քրեական օրենսգրքի 308-րդ հոդվածի 2-րդ մասի (Պաշտոնեական լիազորությունները չարաշահելը) և 325-րդ հոդվածի 2-րդ մասի (Փաստաթղթեր, դրոշմներ, կնիքներ, ձևաթղթեր, տրանսպորտային միջոցների հաշվառման համարանիշներ կեղծելը, իրացնելը կամ օգտագործելը) հատկանիշներով։ Գործի շրջանակում փետրվարի 25–ին ձերբակալվել են Պետական վերահսկողական ծառայության երկու աշխատակիցներ և նրանց հովանավորող տնտեսվարող սուբյեկտի ներկայացուցիչը։ -0-