ԵՐԵՎԱՆ, 19 հունիսի./Նովոստի–Արմենիա/. Հայաստանի գլխավոր տնօրեն Արթուր Դավթյանը մեկնաբանել է այն լուրերը, որ Չեխիան իբր հրաժարվել է արտահանձնել հանրապետության նախկին նախագահ Սերժ Սարգսյանի եղբորորդի Նարեկ Սարգսյանին։
«Արտահանձնման հարցման պաշտոնական պատասխան ստանալու դեպքում հասարակայնությունն անհապաղ կիրազեկվի»,– չորեքշաբթի ասաց Դավթյանը լրագրողներին։
Նախօրեին հայկական որոշ ԶԼՄ–ներ Սերժ Սարգսյանի մյուս եղբորորդու` Հայկ Սաչգսյանի վկայակոչմամբ հայտնեց, որ Չեխիայի արդարադատության նախարարը Նարեկ Սարգսյանի արտահանձնման համաձայնություն չի տվել։
Загружается новость ...
"Право"
«Հենց որ պաշտոնական պատասխան ստանանք, անհապաղ կտեղեկացնենք հանրությանն այդ մասին։ Մնացածը գնահատում եմ որպես լուրեր, քանի որ պաշտոնական մակարդակով մենք ոչ մերժման, ոչ էլ համաձայնության որևէ տեղեկություն չենք ստացել»,– ասաց գլխավոր դատախազը։
Հիշեցնենք, որ Նարեկ Սարգսյանը ձերբակալվել է Պրահայում նախորդ տարվա դեկտեմբերին Ինտերպոլի և Չեխիայի ոստիկանության կողմից։ Փաստաթղթերի ստուգման ժամանակ նա ներկայացրել է Գվատեմալայի կեղծ անձնագիր` Ֆրանկլին Գոնսալեսի անունով։ Պրահայի դատարանը թույլատրել է Սարգսյանի արտահանձնումը Հայաստան։
