Հայաստանի գեղեցիկ բնատեսարաններն են ցուցադրվել աշխարհին Ֆրանկոֆոնիայի օրերի շրջանակում (ՎԻԴԵՈ)

ԵՐԵՎԱՆ, 9 հոկտեմբերի. /Նովոստի–Արմենիա/. Ֆրանկոֆոնիայի օրերի շրջանակում հրապարակվել է Հայաստանի գեղեցիկ վայրերը և տեսարանները ներկայացնող տեսահոլովակ։

Հոկտեմբերի 7–ին Երևանում մեկնարկել է Ֆրանկոֆոնիայի շաբաթը, որը կտևի մինչև հոկտեմբերի 12–ը։ Կիրակի օրը Կ.Դեմիրճյանի անվան մարզահամերգային համալիրում ՖՄԿ–ի անդամ պետությունների պատվիրակների մասնակցությամբ կայացել է Ֆրանկոֆոնիայի մշտական խորհրդի նստաշրջանը, իսկ երկուշաբթի նույն վայրում աշխատանքն է սկսել ֆրանկոֆոնիայի նախարարական երկօրյա կոնֆերանսը։

Ներկայացվել են Հայաստանի ինչպես ձեռակերտ, այնպես էլ անձեռակերտ հուշարձանները, մասնավորապես, Տաթևի վանական համալիրը և Գառնի հեթանոսական տաճարը։ -0-