Հայ զինծառայողները կկարողանան օգտվել անտոկոս հիփոթեքից

ԵՐԵՎԱՆ, 22 օգոստոսի. /Նովոստի-Արմենիա/. Հայաստանի կառավարությունը հինգշաբթի նիստում ընդունեց զինծառայողների հիփոթեքային վարկավորման սուբսիդավորման համակարգի ներդրման նախագիծը։

Ինչպես նիստում հայտնեց Հայաստանի պաշտպանության նախարար Դավիթ Տոնոյանը, ամեն տարի ծրագրի շահառու կարող է դառնալ 500 զինծառայող։

Նախագիծը նախատեսում է 28.5 մլն դրամի հիփոթեքային վարկավորման առավելագույն չափ, ընդ որում նախատեսված գումարի 10 տոկոսը (գրեթե 60 հազար) որպես նախավճար կֆինանսավորի պետությունը»,– ասաց Տոնոյանը։

Նա նշեց, որ անշարշ գույքի առաջնային շուկայում բնակարան գնելու կամ նոր տան կառուցման դեպքում վարկի տոկոսադրույքը կկազմի տարեկան 7 տոկոս, որոնցից 3 տոկոսը սուբսիդավորում է պետությունը, իսկ մնացած 4 տոկոսը վերադարձվում է որպես վճարված եկամտահարկ։

Անշարժ գույքի երկրորդային շուկայից բնակարան կամ տուն գնելու դեպքում, նախագծի համաձայն, առավելագույն տոկոսադրույքը կարող է ոչ ավելի քան 2 տոկոսով գերազանցել վերաֆինանսավորման տոկոսադրույքը։ Պետությունը նույնպես կֆինանսավորի հիփոթեքային վարկի 3 տոկոսը, իսկ մնացածը կմարի վարկառուն։

«Շահառուների ընտրությունը կկատարվի միաժամանակ վիճակահանության միջոցով»,– ասաց Տոնոյանը։ -0-