ԵՐԵՎԱՆ, 18 հունվարի. /Նովոստի–Արմենիա/. Եռօրյա քննարկումներից հետո Հայաստանի Ազգային ժողովի պատգամավորներն ուրբաթ ընտրում են մշտական խորհրդարանական հանձնաժողովների ղեկավարներին։ Փակ գաղտնի քվեարկությունը սկսվել է տեղական ժամանակով 11։30–ին և կավարտվի 13։30–ին, հայտնում է «Նովոստի–Արմենիա» խորհրդարանական թղթակիցը։
«Յուրաքանչյուր պատգամավորի կտրվի 11 քվեաթերթ մշտական հանձնաժողովների ղեկավարների պաշտոնի թեկնածուների անուններով։ Խնդրում եմ առավելագույնս ուշադիր լինել, որ քվեարկությունից հետո անվավեր քվեաթերթեր չլինեն»,– ասաց խորհրդարանի հաշվիչ հանձնաժողովի ղեկավար Վահագն Հովակիմյանը։
Загружается новость ...
"Право"
«Իմ քայլը» խմբակցությունն առաջադրել է Նարեկ Զեյնալյանին առողջապահութւյան և սոցիալական հարցերի հանձնաժողովի ղեկավարի պաշտոնում, Ռուբեն Ռուբինյանին` արտաքին հարաբերությունների, Մխիթար Հայրապետյանին` կրթության, գիտության, մշակույթի, սփյուռքի, երիտասարդության և սպորտի, Արման Եղոյանին` եվրաինտեգրման հարցերով, Անդրանիկ Քոչարյանին` պաշտպանության և անվտանգության հարցերով, Վլադիմիր Վարդանյանին` պետաիրավական հարցերով, Վարազդատ Կարապետյանին` տարածքային կառավարման, տեղական ինքնակառավարման, գյուղատնտեսության և շրջակա միջավայրի ոլորտներում կայուն զարգացման, Բաբկեն Թունյանին` տնտեսական հարցերի և ներդրումների հանձնաժողովների ղեկավարների պաշտոնում։
«Բարգավաճ Հայաստան» խմբակցությունից առաջարկվել է Նաիրա Զոհրաբյանի և Միքայել Մելքումյանի թեկնածությունները, համապատասխանաբար, մարցու իրավունքների և հասարակական հարցերի և տարածաշրջանային և եվրասիական ինտեգրման հարցերի հանձնաժողովների ղեկավարների պաշտոններում։
«Բարգավաճ Հայաստան» խմբակցությունը ներկայացրել է Մանե Թանդիլյանի թեկնածությունը ֆինանսավարկային և բյուջետային հարցերով հանձնաժողովի ղեկավարի պաշտոնում։ -0-
