ԵՐԵՎԱՆ, 30 մայիսի./Նովոստի–Արմենիա/. Հինգշաբթի Ազգային ժողովում անցկացված փակ քվեարկության արդյունքներով, Հայաստանի հանրային ծառայությունները կարգգավորող հանձնաժողովի անդամների պաշտոններում ընտրվեցին Հայաստանի վարչապետ Նիկոլ Փաշինյանի առաջարկած բոլոր չորս թեկնածուները։
ՀԾԿՀ–ում թափուր պաշտոններում կառավարության ղեկավարն առաջարկել է ինժեների թեկնածություն առողջապահության, աշխատանքի, շրջակա միջավայրի անվտանգության և պահպանության ոլորտներում «Ռեդինետ» ընկերության ինժեներ Մեսրոպ Մեսրոպյանին, ՀԾԿՀ արտոնագրման վարչության ղեկավար, իրավաբան Սեդա Շահինյանին, ՀԾԿՀ զարգացման և մոնիթորինգի վարչության ղեկավար Սերգեյ Աղինյանին, ինչպես նաև Ջրային ռեսուրսների կոմիտեի ղեկավարի պաշտոնակատար Կամո Սարգսյանին։
Ինչպես հայտնում է խորհրդարանի Հաշվիչ հանձնաժողովի ղեկավար Վահագն Հովակիմյանը, քվեարկությանը մասնակցել է 132 պատգամավորցներից 94–ը։
Նրա խոսքով, Մեսրոպյանի թեկնածությանը կողմ է քվեարկել 88, Շահինյանի թեկնածությանը` 91, Աղինյանի` 90 և Սարգսյանի թեկնածությանը` 87 պատգամավոր։
Ապրիլի 18–ին Հայաստանի Ազգային ժողովը փակ քվեարկությամբ Հանրային ծառայությունները կարգավորող հանձնաժողովի նոր նախագահ է ընտրել Հայաստանի էներգետիկ ենթակառուցվածքների և բնական պաշարների նախարարի պաշտոնակատար Գարեգին Բաղրամյանին։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում