ԵՐԵՎԱՆ, 18 հունիսի. /Նովոստի-Արմենիա/. Մեկնաբանելով ԱԺ պատգամավոր, գեներալ Մանվել Գրիգորյանի ամառանոցում անցկացված խուզարկության արդյունքները` ՀՀ վարչապետ Նիկոլ Փաշինյանը հայատարարեց, որ սա երրորդ Հանրապետության պատմության մեջ կոռուպցիայի հայտնաբերման ամենախոշոր դեպքն է։
«Բացահայտումներն ուղղակիորեն ցնցել ու տղաճ զգացումներ են առաջացրել հայ հասարակության շրջանում։ Նախօրեին ես շնորհակալություն եմ հայտնել ԱԱԾ տնօրեն Արթուր Վանեցյանին ու խնդրել եմ նրան շնորհակալության խոսքեր հայտնել ծառայության այն աշխատակիցներին, ովքեր մշակել ու իրականացրել են այդ օպերացիան», – ասաց Փաշինյանն երկուշաբթի մինչև կառավարության արտահերթ նիստը։
Նա նշեց, որ նման գործողությունները չեն անցկացվում մեկ օրում, այլ հետևանք են ավելի վաղ կատարած լայնամասշտաբ աշխատանքի։ Փաշինյանը համոզմունք է հայտնել, որ տվյալ գործի հետաքննությունը կիրականացվի համապատասխան մակարդակով։
Загружается новость ...
"Право"
«Ինչպես հայ հասարակությունը, այնպես էլ ես որևէ խոչընդոտ չեմ տեսնում, որպեսզի տվյալ գործի բոլոր առնչակիցները հայտնաբերվեն ու պատասխանատվության ենթարկվեն, անկախ զբաղեցրած պաշտոններից և այլ հանգամանքներից։ Այս գործը պետք է բացահայտել մինչև վերջ, ինչպես և այլ դեպքերում, որևէ խոչընդոտ չկա և չի կարող լինել», – նշեց վարչապետը։
Նա կրկին շեշտեց, որ կոռուպցիայի դեմ պայքարում որևէ փոխզիջում չի կարող լինել։
«Մենք հայտարարել ենք, որ կոռուպցիան արմատախիլ կարվի Հայաստանից, և թող ոչ մեկ չկասկածի, որ մենք կհասնենք այդ նպատակին ամենավճռական և արդյունավետ քայլերով։ Հիմա մենք դե ֆակտո կարող ենք արձանագրել, որ մեր երկիրը տարիներ շարունակ թալանվել է։ Այդ թալանի բոլոր մասնակիցները պետք է բացահայտվեն ու պատասխանատվության ենթարկվեն», – ասաց Փաշինյանը։–0–
