Երկուշաբթի` հունիսի 10–ի առավել ուշագրավ նորությունները
08:00
11 Հունիսի 2019
ԵՐԵՎԱՆ, 11 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երկուշաբթի` հունիսի 10–ի առավել ուշագրավ նորությունների իր տարբերակը։
Կենտրոնական ընտրական հանձնաժողովի նախնական տվյալներով, նախօրեին անցկացված Աբովյանի քաղաքապետի ընտրություններում հաղթել է գործող քաղաքապետ Վահագն Գևորգյանը։
ՀՀ պաշտպանության նախարար Դավիթ Տոնոյանը բարձր պարգևատրման է ներկայացրել հակառակորդի կրակից զոհված զինծառայող Սիփան Սերժիկի Մելքոնյանի մահվան համար պատժիչ գործողություն իրականացրած զինծառայողներին, ովքեր բարձր որակով են կատարել առաջադրանքը։
Իտալական հայտնի ապրանքանիշը Հայաստանում գործարկում է կերամիկական սպասքի արտադրություն, երկուշաբթի ասաց ՀՀ էկոնոմիկայի նախարար Տիգրան Խաչատրյանը` ելույթ ունենալով հայ–իտալական բիզնես ֆորումի ժամանակ։ Նրա խոսքով, ընկերությունն արդեն ներկրել է անհրաժեշտ սարքավորումները, Իտալիայում իրականացրել է կադրերի վերապատրաստում, որոնք կզբաղվեն արտադրության գործարկմամբ։ Առաջիկա 2–3 ամսում ընկերությունը կսկսի արտադրությունն ու արտահանման գործընթացը, նախատեսվում է, որ արտադրանքը կարտահանվի ԱՄՆ և Եվրոպայի երկրներ։
Ոստիկանության աշխատողները քիչ առաջ բերման են ենթարկել «Ադեկվադ» հասարակական կազմակերպության հիմնադիր Արթուր Դանիելյանին: Ինչպես «Նովոստի-Արմենիա» գործակալությանը հայտնեց կազմակերպության համակարգող Լիլիթ Թումանյանը, Դանիելյանը բերման է ենթարկվել կազմակերպության գրասենյակից` կիրակի կայացած մամուլի ասուլիսում արած հայտարարության կապակցությամբ: Ավելի ուշ Դանիելյանն ազատ է արձակվել։
Երևանի չափահաս բնակիչը ՀՀ ոստիկանության ԿՀԴՊ գլխավոր վարչությունում հաղորդում է ներկայացրել այն մասին, որ 2018 թվականից ամուսիններն իրեն առաջարկել են Երևան քաղաքի Աբովյան փողոցում վաճառել անձեռոցիկներ, ինչից հետո, բռնություն գործադրելով և դա գործադրելու սպառնալիքով, վերցրել են այդ կերպ վաստակած ողջ գումարը և նույն եղանակով հարկադրել են մինչ 2019թ. մայիս ամիսն զբաղվել այդ աշխատանքով: -0-
Հայկական ԶԼՄ–ներում և սոցցանցերում այս օրերին մեծ աղմուկ է բարձրացել օտարերկրյա պետություններում ՀՀ ռեզիդենտ ֆիզիկական անձանց ստացած հարկվող եկամտից եկամտային հարկը վճարելու թեման
BOGG PLC ֆինանսական խմբի խորհրդի ղեկավար Մել Քարվլը ներկայացրել է հաճախորդներին խմբին Ամերիաբանկի միանալու առավելությունները և բարձր է գնահատել Հայաստանի տնտեսական հեռանկարները․ ՎԻԴԵՈ