Երևանում բարձր երաժշտության սիրահարները կպատժվեն

ԵՐԵՎԱՆ, 10 հուլիսի. /Նովոստի–Արմենիա/. Երևանի քաղաքապետ Տարոն Մարգարյանը հանձնարարել է խստացնել մայրաքաղաքում երեկոյան ժամերին բարձր երաժշտության արգելքի վերահսկողությունը։

«Խստացրեք վերահսկողությունը և անհրաժեշտության դեպքում վարչական քայլեր կիրառեք»,– երկուշաբթի քաղաքապետարանում կայացած աշխատանքային խորհրդակցության ընթացքում ասաց նա։

Ինչպես հայտնում է քաղաքապետարանի մամուլի ծառայությունը, Մարգարյանը նշեց, որ այս ուղղությամբ աշխատանքները պետք է շարունակվեն այնքան ժամանակ, քանի դեռ կարձանագրվեն նման խախտումներ: Նա նաև հանձնարարեց անհապաղ արձագանքել Երևանի բնակիչներից ստացվող յուրաքանչյուր ահազանգին անմիջապես ահազանգին և համապատասխան քայլեր ձեռնարկել։


«Կա հստակ որոշում, համաձայն որի ժամը 23:00-ից հետո մայրաքաղաքում արգելվում է բարձր երաժշտությունը: Հետևաբար, ոչ ոք իրավունք չունի խախտելու հասարակական կարգը և խաթարելու մեր համաքաղաքացիների անդորրն ու հանգիստը»,– ընդգծեց նա։

Մարգարյանի խոսքով, տնտեսավորողները պետք է հստակ գիտակցեն, որ եթե մեկ անգամ արված նախազգուշացումից հետո շարունակեն խախտել սահմանված կարգը, ապա մեր կողմից կկիրառվի համապատասխան վարչարարություն՝ ընդհուպ մինչև նրանց գործունեության կասեցում։ -0-