Երևանում դադարեցնում է աշխատանքը պահանջված երթուղիներից մեկը

ԵՐԵՎԱՆ, 31 հուլիսի. /Նովոստի-Արմենիա/. Օգոստոսի 1–ից երևանյան ներքաղաքային երթուղիներից մեկը կդադարեցնի աշխատանքը։

Ինչպես հայտնում է Երևանի քաղաաքպետարանի մամուլի ծառայությունը, Երևանի ներքաղաքային միկրոավտոբուսային հ.48 երթուղու աշխատանքը կդադարեցվի օգոստոսի 1-ից`շահագործող ընկերության կողմից սպասարկումից հրաժարվելու պատճառով։


Երթուղին շահագործվում էր «Գրանդ Քենդի» ՓԲԸ -15-րդ թաղամաս ուղեգծով:

Քաղաքապետարանը նշված երթուղուց օգտվող քաղաքացիների տրանսպորտային սպասարկումը մասնակիորեն ապահովելու նպատակով առաջարկում է օգտվել հետևյալ երթուղիներից` միկրոավտոբուսային հ.42 երթուղու ուղեգծից` այն Արշակունյաց պողոտայից կերկարացվի մինչև «Գրանդ Քենդի» ՓԲԸ (միկրոավտոբուսային հ.48 երթուղու վերջնակետ), ինչպես նաև հ.52 երթուղուց, որի ուղեգիծը մասնակիորեն կփոփոխվի։

«Այն 15-րդ թաղամասից (Գ.Չաուշի հրապարակից) կշահագործվի միկրոավտոբուսային հ.48 երթուղու ուղեգծով՝ Բաշինջաղյան, Մարգարյան, Հալաբյան, Լենինգրադյան փողոցներով մինչև Սեբաստիայի փողոց, այնուհետև գործող ուղեգծով»,– նշվում է հաղորդման մեջ։

Նշվում է, որ միկրոավտոբուսային հ.48 երթուղուց օգտվող մյուս ուղևորները կարող են օգտվել նշված երթուղուն զուգահեռ գործող այլ ներքաղաքային երթուղիներից: -0-