ԵՐԵՎԱՆ, 30 օգոստոսի. /Նովոստի-Արմենիա/. Երևանի դատարանը որոշեց, որ Հայաստանի պետեկամուտների նախկին ղեկավար, ֆինանսների նախկին նախարար Գագիկ Խաչատրյանի ձերբակալությունն անօրինական էր, բայց բավարարեց նրա կալանավորման միջնորդությունը, ուրբաթ լրագրողներին ասաց Խաչատրյանի փաստաբան Երեմ Սարգսյանը դատական նիստից հետո:
«Դատարանը չընդունեց մեր հակափաստարկներից և ոչ մեկը: Մենք արդեն երեք օր է` հակափաստարկներ ենք ներկայացնում գործով, և դրանց վերաբերյալ հակառակ կարծիք կազմել չէր լինի»,- ասաց նա:
Փաստաբանի խոսքով, դատարանի այսօրվա որոշումն անպայման բողոքարկվելու է:
«Վերջին ժամանակներում մենք հույս ունեինք, որ դատարաններն ավելի օբյեկտիվ և արդար են դարձել, բայց ստացվեց այնպես, որ քննությունն ընդամենը ձևական բնույթ էր կրում, նշանակություն չուներ, թե ինչ փաստարկներ են ներկայացրել կողմերը»,- ասաց Սարգսյանը:
Փաստաբանն ընդգծեց, որ կալանավորում կիրառվում է միայն այն դեպքերում, երբ հնարավոր չէ ավելի մեղմ խափանման միջոց կիրառել:
Նա նշեց, որ Խաչատրյանն արդեն կես տարի է, որ չհեռանալու ստորագրության տակ է մեկ այլ գործով և ոչ մի անգամ չի փորձել թաքնվել քննությունից: Ելնելով դրանից` փաստաբանը եզրակացություն է արել, որ ձերբակալության որոշումն անօրինական է:
Մեղադրանքի բովանդակության առումով Սարգսյանն ասաց, որ գործում խոսքը գույքի իրացման խախտումների մասին է:
«Մենք հիմնավորեցինք, որ այդ գործընթացում ոչ մի խախտում չի եղել: Եթե նույնիսկ խախտումներ են թույլ տրվել բաժանմունքների աշխատակիցների կողմից, ապա չկա ապացույց, որ Խաչատրյանի հետ կապ կա»,- ասաց նա:
Ինչ վերաբերում է վատնման մեղադրանքներին, ապա փաստաբանն ասաց, որ խոսքը մոտ 200 մլն դրամի մասին է, բայց այդ փաստով էլ պաշտպանությունը հիմնավորում ներկայացրեց:
Հավելելով վերոնշյալը` Սարգսյանն ասաց, որ դատարանի ընդունած որոշման մեջ բացակայում են հիմնավորումները և ձերբակալության պատճառները: -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում