ԵՐԵՎԱՆ, 14 հունվարի. /Նովոստի–Արմենիա/. Շենգավիթ համայնքի ընդհանուր իրավասության դատարանի նիստում երկուշաբթի մերժեց դատավոր Արթուր Մկրտչյանի ինքնաբացարկի վերաբերյալ Հայաստանի նախկին նախագահ Ռոբերտ Քոչարյանի պաշտպանների միջնորդությունը, լրագրողներին հայտնեց Քոչարյանի փաստաբան Հայկ Ալումյանը։
Ավելի վաղ Քոչարյանի պաշտպանությունը հանդես է եկել դատավորի ինքնաբացարկի միջնորդությամբ` հաշվի առնելով փաստաբանի և դատավորի, ինչպես նաև նրա ընտանիքի հետ սերտ ընկերական կապերը։ Փաստաբանի խոսքով, անաճառ դիտորդը կարող էր ընտանեկան առկա սերտ կապերն ընկալել որպես դատարանի կողմնակալություն, եթե խափանման միջոցը փոխելու և գրավի դիմաց ազատելու մեր միջնորդությունը բավարարվեր։ Տվյալ հանգամանքներում նման որոշումը կարող էր նույնիսկ Հատուկ քննչական ծառայության բողոքի առիթ դառնալ։
Ռոբերտ Քոչարյանի կալանավորումը գրավով փոխարինելու վերաբերյալ գործը մակարգվել է դատավոր Արթուր Մկրտչյանի։ Երևան քաղաքի ընդհանուր իրավասության դատարանի Կենտրոն նստավայրում հունվարի 9–ին դատավոր Արթուր Մկրտչյանի նախագահությամբ, պետք է քննվեր ՀՀ երկրորդ նախագահ Ռոբերտ Քոչարյանի նկատմամբ խափանման միջոց ընտրված կալանավորումն այլընտրանքային խափանման միջոց գրավով փոխարինելու վերաբերյալ պաշտպանական խմբի ներկայացրած միջնորդությունը։ Նույն օրն ինքնաբացարկ է հայտարարել դատավոր Նելլի Բաղդասարյանը, իսկ հունվարի 12–ին` դատավոր Դավիթ Գրիգորյանը։
«Դատարանը մերժեց պաշտպանության միջնորդությունը, հայտարարելով, որ Օրբելյանի հետ հարաբերություններն այնքան սերտ չեն, որ ազդեն դատական վճռի անկողմնակալության վրա»,– ասաց Ալումյանը։
Նրա խոսքով, պաշտպանությունը հանդես էր եկել միջնորդությամբ, հայտնելով Օրբելյանի և Մկրտչյանի ընկերական հարաբերությունների մասին նրա համար, որ հետագայում դատախազությունն առիթ չունենա բողոքարկելու դատարանի որոշումը Քոչարյանին գրավի դիմաց ազատելու որոշման ընդունման դեպքում։
Загружается новость ... "Лево"
«Մենք մեր հայտարարությունն արել ենք և իրազեկել դատարանը։ Դատախազները համարեցին, որ սա խնդիր չէ, և դատավորի որոշման անկողմնակալության վրա ազդեցություն չի լինի»,– ավելացրեց փաստաբանը։
Ռոբերտ Քոչարյանի պաշտպանները կալանավորումը գրավով փոխարինելու վերաբերյալ միջնորդությունը ներկայացրել են դեռևս նախորդ տարի՝ դեկտեմբերի 26-ին, և դատարանին խնդրել են որոշել սահմանվող գրավի չափը:
Հիշեցնենք, որ Ռոբերտ Քոչարյանը մեղադրվում է մի խումբ անձանց հետ նախնական պայմանավորվածությամբ սահմանադրական կարգը տապալելու համար։ Վերաքննիչ դատարանն օգոստոսի 13–ին բավարարեց Քոչարյանի փաստաբանների` կալանքի փաստը բողոքարկելու միջնորդությունը։ Միջնորդությունը բավարարվեց` հաշվի առնելով նախկին նախագահի անձեռնմխելիությունը։ Քոչարյանն ազատ արձակվեց դատարանի դահլիճից։ Սակայն դեկտեմբերի 7–ին Վերաքննիչ դատարանի նիստի արդյունքում նա կրկին կալանավորվեց։–0–
