ԵՐԵՎԱՆ, 5 սեպտեմբերի. /Նովոստի–Արմենիա/. «Նովոստի–Արմենիա» գործակալությունը ներկայացնում է չորեքշաբթի` օգոստոսի 4–ի առավել ուշագրավ նորությունների իր տարբերակը։
Հայաստանի Սահմանադրական դատարանը երեքշաբթի ուսումնասիրել է «Ռոբերտ Քոչարյանի դիմումի հիման վրա՝ Հայաստանի Հանրապետության քրեական դատավարության օրենսգրքի 135-րդ հոդվածի 2-րդ մասի (Խափանման միջոց կիրառելու հիմքերը) և 35-րդ հոդվածի (Քրեական գործի վարույթը կամ քրեական հետապնդումը բացառող հանգամանքներ)՝ Սահմանադրությանը համապատասխանության հարցը»:
Սահմանադրական դատարանը հրապարակեց Հայաստանի երկրորդ նախագահ Ռոբերտ Քոչարյանի դիմումի քննության արդյունքում կայացրած որոշումը, որի համաձայն, Քրեական դատավարության օրենսգրքի՝ նախկին նախագահի վիճարկած հոդվածներից մեկը՝ 35-րդը, ճանաչեց երկրի Հիմնական օրենքին չհամապատասխանող և անվավեր, մյուսը՝ 135-րդը՝ Սահմանադրությանը համապատասխանող:
«ՀՀ Քրեական դատավարության 35-րդ հոդվածը ճանաչել Սահմանադրությանը հակասող և անվավեր: ՀՀ ՔԴ 135-րդ 2-րդ մասը համապատասխանում է Սահմանադրությանը»,- ասվում է դատարանի որոշման մեջ:
Մարությանը նաև հայտարարեց, որ Sanitek–ն արդեն 6 օր է չի կատարում աղբահանություն։
«Դա հիմք է գործընթաց սկսելու համար։ Այն արդեն սկսված է։ Դա իրավաբանական և իրավական գործընթաց է», – ասաց նա։
Դրանից հետո քաղաքապետը հրաժարվեց պատասխանել հարցերին և հրավիրեց լրագրողներին սեպտեմբերի 10–ին նախատեսված Ավագանու նիստին, որի ընթացքում, նրա խոսքով, կտրվեն բոլոր հարցերի պատասխանները։
- ՀՀ հատուկ քննչական ծառայությունը հայտնում է նախկին քաղաքապետի որոշման հիման վրա «Հաղթանակ» զբոսայգու տարածքի 10 հազ. քմ հողատարածքի անօրինական օտարման մասին։
ՀՔԾ–ում քննվող քրեական գործի նախաքննության ընթացքում տվյալներ են ձեռք բերվել, որ Երևան քաղաքի գլխավոր հատակագծով հասարակական նշանակության կանաչ տարածքների գոտում ներառված` Երևան քաղաքի Ազատության պողոտա 2/5 հասցեում գտնվող 10.000քմ հողատարածքը Երևանի քաղաքապետի 12.03.2008թ. որոշմամբ, «Հաղթանակ» զբոսայգու զբաղեցրած տարածքի վերաճշտման պատճառաբանությամբ թողարկված նոր գլխավոր հատակագծով, անհիմն և ապօրինի կերպով դուրս է թողնվել հիշյալ զբոսայգու տարածքից։
«Նկատի ունենալով, որ նախաքննությամբ ձեռք բերված փաստական տվյալներում առերևույթ առկա են Երևանի նախկին քաղաքապետի կողմից պաշտոնեական դիրքը չարաշահելու ենթադրյալ հանցագործության հատկանիշներ, որպիսի արարքով էական վնաս է պատճառվել Երևան համայնքի օրինական շահերին, 30.08.2019թ.-ին որոշում է կայացվել վերը նշված դեպքի առթիվ ՀՀ քրեական օրենսգրքի 308-րդ հոդվածի 1-ին մասով քրեական գործ հարուցելու մասին»,– նշվում է ՀՔԾ հաղորդման մեջ։
Նախաքննությունը շարունակվում է: Ձեռնարկվում են անհրաժեշտ քննչական և այլ դատավարական գործողություններ՝ դեպքի հանգամանքներն ամբողջ ծավալով բացահայտելու և մեղավորներին ի հայտ բերելու ուղղությամբ:
- Հայաստանի հավաքականի և իտալական «Ռոմա» ակումբի կիսապաշտպան Հենրիխ Մխիթարյանը կիսվել է իր տպավորություններով նոր ակումբ անցնելուց հետո։
«Շատ ուրախ եմ, որ միացել եմ «Ռոմա» ակումբին։ Խոսելով ակումբի ղեկավարների հետ` հասկացա, որ թիմի առաջ մեծ նպատակներ են դրված, որ ավարտեն Չեմպիոնների լիգայի զոնայում (А սերիա, խմբգր.), որ կարողանան պայքարել Եվրոպա լիգայի ֆինալ դուրս գալու համար, նաև Իտալիայի գավաթի համար։ Ինչքան տեղյակ եմ` թիմի նոր մարզիչ ունի և շատ նոր ֆուտբոլիստներ», – նշել է Մխիթարյանը Հայաստանի ֆուտբոլի ֆեդերացիայի մամուլի ծառայության հետ զրույցում` ավելացնելով, որ դա լավ կլինի նաև իր համար, որովհետև թիմը նոր է սկսում ձևավորվել, և նա կկարողանա իր ներդրումն ունենալ։
«Փորձելու եմ ամեն ինչ անել, որ օգնեմ ակումբին, և հուսով եմ, որ մարզիչը կօգնի ինձ դրսևորել լավագույն որակներս», – ընդգծել է Մխիթարյանը։
Ոստիկաններն ու քննինչները պարզել են, որ նույն օրը, ժամը 15:30-ի սահմաններում Տորունիք գյուղի բնակիչ 27-ամյա Սամսոն Ղ.-ն իրենց գյուղից դեպի Դաստակերտ տանող ավտոճանապարհի ձախակողմյան հատվածից 1.5 կմ հեռավորությամբ գտնվող արոտավայրում հայտնաբերել է գլխի գագաթային շրջանի ջնջխված վերքով իր հոր՝ 51-ամյա Սամվել Ղ.-ի դին, ում պարանոցի ծոծրակային հատվածում առկա է եղել 30-20 սմ չափերի արնանման հետքերով քար:
Հոր դիակից 1 մետր հեռավորության վրա Սամսոն Ղ.-ն հայտնաբերել է համագյուղացի 27-ամյա Նելսոն Ա.-ի դին՝ կզակի շրջանի հրազենային վնասվածքով:
Կայքի հաղորդմամբ, դեպքի վայր ժամանած ոստիկաններն ու քննիչները Նելսոն Ա.-ի դիաի կողքին հայտնաբերել են 16 մմ տրամաչափի ողորկափող որսորդական հրացան:
Փաստի առթիվ հարուցվել է քրեական գործ ՀՀ քր օր-ի 104 հոդվածի 2-րդ մասի 1-ին կետի հատկանիշներով (սպանություն): Քննիչի որոշմամբ նշանակվել են մի շարք փորձաոքննություններ, այդ թվում՝ դիերի դատաբժշկական, ինչպես նաև դատաձգաբանական, դատակենսաբանական, դատաքիմիական և դատահետքաբանական փորձաքննություններ։ -0-