Զոհերի թիվը Երևանում տեղի ունեցած հարձակման հետևանքով հասավ երկուսի. ոստիկան է մահացել

ԵՐԵՎԱՆ, 3 մայիսի. /Նովոստի–Արմենիա/. Կոմիտասի պողոտայում գտնվող HSBC բանկի մասնաճյուղի վրա ավազակային հարձակում գործած անձի գնդակից հրազենային վիրավորում էր ստացել ոստիկանության աշխատակից։

Ինչպես Facebook–ի իր էջում հայտնել է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը, բժիշկներին չհաջողվեց փրկել ավազակային հարձակում կատարածի արձակած գնդակից հրազենային վնասվածք ստացած ոստիկանի կյանքը։


«Ոստիկանության ավագ ենթասպա Արա Շախգուլյանը, չնայած վիրահատությանն ու բժիշկների բոլոր ջանքերին, մահացավ»,– նշվում է գրառման մեջ։

Նշվում է, որ ենթասպա Շախգուլյանը երկու երեխաների հայր էր, ՊՊԾ ջոկի հրամանատար և համակարգում էր 2000 թվականից։ -0-