Արսեն Թորոսյան. մատնահարդարները, դիմահարդարները և տատու–մասնագետները պարտադիր բուժզննում պետք է անցնեն

15:44

20 Դեկտեմբերի 2018

ԵՐԵՎԱՆ, 20 դեկտեմբերի. /Նովոստի–Արմենիա/. Որոշ ոլորտների աշխատողներ պետք է պարտադիր բուժզննում անցնեն։ Այդ մասին հինգշաբթի կառավարության նիստում ասաց առողջապահության նախարարի պաշտոնակատար Արսեն Թորոսյանը։

Նրա խոսքով, նպատակը շրջապատի համար վտանգ ներկայացնող հիվանդությունների կանխարգելումն է։

Խոսքն այն մասնագիտությունների ներկայացուցիչների մասին է, որոնց միջոցով տեղի է ունենում վտանգավոր հիվանդությունների տարածում, դրանք հիմնականում հեպատիտներն են, հեպատիտ C–ն և B-ն։

Загружается новость ... "Право"

Ռիսկը, ինչպես նշեց Թորոսյանը, պայմանավորված է նրանով, որ ըստ գործող կարգի` բուժաշխատողների, մատնահարդարների, ոտնահարդարների, դիմահարդարների և դաջվածքի մասնագետների համար նախատեսված չէ այդ վարակի նկատմամբ հետազոտություն, և հնարավոր չէ նրանց շրջանում բացահայտել հիվանդության առկայությունը։

Կառավարությունը որոշում կայացրեց տվյալ հաստատությունների աշխատակիցներին տարեկան մեկ անգամ հետազոտել որոշ հիվանդությունների նկատմամբ` այդ կերպ նվազեցնելով վարակի ռիսկը։

«Ապահովում ենք, որ տարբեր ոլորտների աշխատողներ, բուժաշխատողներ, մատնահարդարներ, ոտնահարդարներ և դաջվածքի մասնագետներ, սննդի ոլորտի աշխատողներ պարբերական զննություններ անցնեն, և եթե նրանց մոտ հայտնաբերվեն վտանգավոր հիվանդություններ, ապա նրանց գործունեությունը ժամանակավորապես կասեցվի մինչև հիվանդությունների բուժումը, որպեսզի այդ հիվանդությունները չտարածվեն ազգաբնակչության մոտ»,– ասաց առողջապահության նախարարի պաշտոնակատարը։ -0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

#Հայաստան #կոսմետոլոգիա #աշխատողներ #բուժզննում

Թեմատիկ նյութեր