ԵՐԵՎԱՆ, 14 մայիսի. /Նովոստի–Արմենիա/. Հայաստանի արդարադատության նախկին նախարար Դավիթ Հարությունյանն աշխատակիցներին ներկայացրեց գերատեսչության նոր ղեկավար Արտակ Զեյնալյանին։ Այդ մասին երկուշաբթի հայտնել է Հայաստանի արդարադատության նախարարության մամուլի ծառայությունը։
Հարությունյանը բարձր գնահատեց Զեյնալյանի պրոֆեսիոնալիզմը։ Նա հավաստիացրեց հանդիպման մասնակիցներին, որ կօժանդակի նախարարի կողմից իրագործվելիք ծրագրերին։ Արդարադատության նախկին նախարարը նաև ըդնգծեց, որ գերատեսչության թիմը հսկայական աշխատանք է կատարել, իսկ բազմաթիվ ծրագրեր իրագործման փուլում են։
«Վստահ եմ, որ նախարարը հաջողությամբ դրանք կշարունակի, ինչպես նաև նոր խնդիրներ և նպատակներ կլինեն»,– ասաց Հարությունյանը` նախարարին և գերատեսչության աշխատակիցներին հաջողություն մաղթելով հետագա լարված աշխատանքում։
Զեյնալյանը նշեց, որ Հայաստանում կատարվել են փոփոխություններ, որոնցից անհրաժեշտ է առավելագույն օգուտ ունենալ և խուսափել բացթողումներից։
«Այժմ հնարավորություն է սըեղծվել սեփական աշխատանքով և ջանասիրությամբ օժանդակել Հայաստանի վարկանիշի բարձրացմանը»,– ասաց Զեյնալյանը։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
