ԵՐԵՎԱՆ, 12 հուլիսի. /Նովոստի–Արմենիա/. Հայհիդրոմետկենտրոնը ներկայացրել է առաջիկա օրերի եղանակի կանխատեսումը։
Հուլիսի 12-13–ին մարզերի մեծամասնությունում, ինչպես նաև Երևանում, սպասվում է կարճատև անձրև և ամպրոպ, առանձին վայրերում հնարավոր է կարկուտ։ Քամին հյուսիս–արևելյան է, մինչև 3-8 մետր վայրկյան արագությամբ, ամպրոպի ժամանակ սպասվում է քամու ուժգնացում մինչև 20-25 մետր վայրկյան։
Հուլիսի 12–ի ցերեկն օդի ջերմաստիճանն աստիճանաբար կբարձրանա 1-2 աստիճանով, իսկ 13-14–ին կնվազի 2-3 աստիճանով։
Երևանում հուլիսի 12–ի ցերեկն օդը կտաքանա մինչև 34-36 աստիճան, հուլիսի 13–ին` մինչև 33-35, իսկ արդեն հուլիսի 14–ին սպասվում է 31-33 աստիճան։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում