ԵՐԵՎԱՆ, 25 ապրիլի. /Նովոստի Արմենիա/. Հայաաստանի կառավարության ղեկավարի կայքում հրապարակվել է չորեքշաբթի Հայաստանի վարչապետի պաշտոնակատար Կարեն Կարապետյանի և Հայաստանում ԱՄՆ արտակարգ և լիազոր դեսպան Ռիչարդ Միլսը հանդիպման մամուլի հաղորդման խմբագրված տարբերակը։
Ուղղված տարբերակում չկան ներքոնշյալ տողերը.
«Ես հասկանում եմ, որ այս ցույցերը, քաղաքացիական անհնազանդության գործողությունները հանդիսանում են օրենքի խախտում, և կառավարությունը պարտավոր է ապահովել հասարակական կարգն ու անվտանգությունը հնարավորինս լավ: Ես վստահ եմ, որ ժողովրդավարության կամ ժողովրդավարության ամրապնդման ճանապարհը նա չէ, որ վարչապետի թեկնածուն ընտրվում է փողոցում՝ ցույցի ժամանակ»։
Ավելի ուշ ԱՄՆ դեսպանության մամուլի ծառայությունը մամուլի հաղորդագրություն է տարածել այն մասին, որ Միլսին վերագրված մեկնաբանություններն ԱՄՆ դիրքորոշման վերաբերյալ սխալ են թարգմանվել։
Խմբագրված տարբերակում ասվում է, որ դեսպանն ու վարչապետի պաշտոնակատարը քննարկել են Հայաստանում ստեղծված իրավիճակին առնչվո մի շարք հարցեր, հայտնում է վարչապետի կայքը։
Կարեն Կարապետյանը կարևորել է ներքաղաքական խնդիրների լուծումը երկխոսության, սահմանադրական ճանապարհով և շնորհակալություն հայտնել ԱՄՆ կառավարությանը՝ այս հարցում արտահայտած դիրքորոշման համար:
«Վարչապետի պաշտոնակատարը կարևորել է նախագահ Արմեն Սարգսյանի կողմից խորհրդակցությունների անցկացումը խորհրդարանական և արտախորհրդարանական ուժերի ներկայացուցիչների հետ՝ քննարկելու երկրում ստեղծված վիճակն ու դրանից դուրս գալու ուղիները, այդ թվում՝ արտահերթ խորհրդարանական ընտրությունների անցկացման միջոցով»,– նշվում է հաղորդման մեջ։
Դեսպան Միլսը կրկին անգամ վերահաստատել է ԱՄՆ կառավարության դիրքորոշումը և շեշտել, որ բոլոր գործընթացները պետք է տեղի ունենան Սահմանադրության համաձայն: Նա ավելացրել է, որ քաղաքական իրավիճակի կարգավորման համար երկխոսությունն այլընտրանք չունի: -0-