535.56
7.43
479.72
+19
Եղանակը Երևանում
Հայ

Ամեն օր ոստիկանությունը պետք է ձգտի կատարելության. Փաշինյանը ներկա է գտնվել Ոստիկանության օրվա 101-րդ տարեդարձին նվիրված հանդիսավոր նիստին (ՎԻԴԵՈ)

20:07
16 Ապրիլի 2019

ԵՐԵՎԱՆ, 16 ապրիլի./Նովոստի–Արմենիա/. ՀՀ վարչապետ Նիկոլ Փաշինյանը ներկա է գտնվել Հայաստանի Հանրապետության ոստիկանության օրվա 101-րդ տարեդարձին նվիրված հանդիսավոր նիստին: Մինչ այդ Ոստիկանության ծառայողները հանդեն են եկել հանդիսավոր շքերթով, հաղորդում է ՀՀ վարչապետի մամուլի ծառայությունը։

Իր խոսքում վարչապետ Փաշինյանը, մասնավորապես նշել է.  «Հայաստանի Հանրապետության ոստիկանության հարգարժան պետ, Հայաստանի Հանրապետության ոստիկանության հարգելի ծառայողներ,
Թույլ տվեք նախ շնորհավորել ձեզ և բոլորիս Հայաստանի Հանրապետության ոստիկանության օրվա կապակցությամբ: Ուղիղ 1 տարի առաջ այս օրը մենք կրկին իրար հետ էինք, սակայն փշալարերի տարբեր կողմերում: Ես այդ օրը նշանային եմ համարում Հայաստանի Հանրապետության ոստիկանության և քաղաքացիների հարաբերությունների մեջ: Այդ օրվանից մեր հետևությունն այն էր, որ այդ բուն գործընթացի ընթացքում, ըստ էության, տեղի ունեցավ հակասության մի շատ արտահայտիչ ակցիա, այդ ամենի մեջ չկար ոչ մի կաթիլ և ոչ մի հատիկ ատելություն: Հենց այս առումով եմ նշանավոր համարում այդ օրը և կարծում եմ, որ դա Հայաստանի Հանրապետության ոստիկանության և քաղաքացիների հարաբերությունների նոր բովանդակության սկիզբն է՝ այն առումով, որ ՀՀ ոստիկանության գործողություններն ատելություն չպետք է արտահայտեն և առաջացնեն», – նշել է ՀՀ վարչապետը։ 

Փաշինյանի խոսքով, ոստիկանությունն իրավապահ, ուժային մարմին է և աշխարհի ամենաժողովրդավարական երկրներում նույնիսկ երբեմն, ցավոք սրտի, ոստիկանությունը ստիպված է լինում դիմել ինչ-ինչ ուժային գործողությունների: 

«Բայց կարևոր է ընդգծել, որ ոստիկանության գործողությունները չպետք է առաջացնեն ատելություն և դրանք չպետք է արտահայտեն նման դրսևորում: Կարծում եմ, որ վերջին ամիսների ամենամեծ ձեռքբերումը կարող ենք հենց դա համարել, երբ ատելությունը՝ որպես հարաբերությունների հատկանիշ, ընդհանրապես դուրս է եկել ոստիկանության և հասարակության հարաբերություններից, ընդհանրապես դուրս է եկել իշխանության և հասարակության հարաբերություններից:Մի քանի անգամ առիթ եմ ունեցել ասելու, որ իրավապահ մարմինները, հատկապես ոստիկանությունը մեր պետականության հիմնասյուներից են: Անկախ ամեն ինչից՝ ոստիկանությունը պետականության հենասյուն է և մենք պետք է այս իրողությունը հստակ և միանշանակ գիտակցենք ու արձանագրենք, որ ոստիկանության գործառույթների բարձր մակարդակի իրականացումն առաջին հերթին պետության բարձր մակարդակի վկայությունն է», – ասել է ՀՀ վարչապետը։ 

Նա հույս է հայտնել, որ այս հանգրվանում՝ Նոր Հայաստանում, ոստիկանությունն իսկապես նոր բովանդակություն, կերպար կստանա, նոր անելիքի մեջ կդրսևորվի, և դա չի լինի որևէ քաղաքական ուժի, քաղաքական որևէ թիմի կամ որևէ անձի ծառայելը: 

«Հայաստանի Հանրապետության ոստիկանությունը պետք է ծառայի Սահմանադրությանը, օրենքին և ժողովրդին: Ես համոզված եմ, տեսնում եմ, որ այսօր ամեն ինչ հենց այդպես էլ տեղի է ունենում: Այսօր ամեն ինչ չէ, որ կատարյալ է, բայց մենք միանշանակ գնում ենք ճիշտ ճանապարհով, մենք գնում ենք վստահ այդ ճանապարհով, մենք այդ ճանապարհը շարունակելու ենք և Հայաստանի Հանրապետության ոստիկանության ձգտումը պետք է լինի հասնել կատարելության: Իհարկե, դժվար է ասել՝ այդ նպատակին երբևէ որևէ մեկը հասել է, թե ոչ, բայց այդ ճանապարհով առաջ գնալն արդեն մեծագույն առաքելություն է և հաջողություն: Ցանկանում եմ Հայաստանի Հանրապետության ոստիկանության բոլոր ծառայողներին շնորհավորել այսօրվա կապակցությամբ: Ուզում եմ Հայաստանի Հանրապետության ոստիկանության բոլոր ծառայողներին շնորհակալություն հայտնել ծառայության համար, ես ուզում եմ առանձնահատուկ շնորհակալություն հայտնել և շնորհավորել Հայաստանի Հանրապետության ոստիկանության զորքերի այն ծառայողներին, ովքեր այսօր հերթապահություն են իրականացնում, մարտական հերթապահություն են իրականացնում և պահպանում, պաշտպանում Հայաստանի Հանրապետության սահմանները: Ուզում եմ շնորհակալություն հայտնել բոլոր այն ոստիկաններին, ովքեր իրենց գործողություններով կյանքեր են փրկում, ովքեր իրենց գործողություններով իրավունք են պաշտպանում, օրինականություն են պաշտպանում, պետականություն են պաշտպանում, ժողովուրդ են պաշտպանում և ապագա են պաշտպանում: Համոզված եմ, որ մենք այսօր ունենք հենց այսպիսի ոստիկանություն և այս առաքելության մեջ ամեն օր ոստիկանությունը պետք է ձգտի ավելիին, ամեն օր ոստիկանությունը պետք է ձգտի կատարելության: Եվ ուրեմն, կեցցե՛ Հայաստանի Հանրապետությունը, կեցցե՛ Հայաստանի Հանրապետության ոստիկանությունը: Շնորհակալ եմ», – ասել է ՀՀ վարչապետը։

Ոստիկանության օրվա առթիվ հասարակական կարգի պահպանության գործում ներդրած ավանդի համար ՀՀ վարչապետի հուշամեդալով են պարգևատրվել՝ Ոստիկանության Երևան քաղաքի վարչության պետ, գնդապետ Գարիկ Ղուկասյանը, Ոստիկանության շտաբի հերթապահ ծառայության վարչության պարետային ծառայության բաժնի պետ, փոխգնդապետ Արտակ Գևորգյանը, Ոստիկանության Տավուշի մարզային վարչության Դիլիջանի բաժնի պետ, մայոր Սևակ Բադիրյանը, Ոստիկանության Երևան քաղաքի վարչության քրեական հետախուզության բաժնի 4-րդ բաժանմունքի պետ, մայոր Արմեն Գևորգյանը, Ոստիկանության Գեղարքունիքի մարզային վարչության Գավառի բաժնի անչափահասների գործերով և ընտանիքում բռնության կանխարգելման բաժանմունքի պետ, մայոր Արթուր Գնդոյանը, Ոստիկանության Լոռու մարզային վարչության Թումանյանի բաժնի համայնքային ոստիկանության բաժանմունքի ավագ տեսուչ, կապիտան Վռամ Վարդևանյանը, Ոստիկանության կազմակերպված հանցավորության դեմ պայքարի գլխավոր վարչության երկրորդ վարչության առաջին բաժնի ավագ օպերլիազոր, ավագ լեյտենանտ Գարեգին Ավագյանը, Ոստիկանության զորքերի հասարակական կարգի պահպանության գնդի հասարարական կարգի պահպանության երկրորդ գումարտակի հրամանատար, փոխգնդապետ Վահան Հովհաննիսյանը:–0–


Թեմատիկ նյութեր
Բաժնի այլ նյութեր
10:31
20 Մայիսի 2019
ԲԴԽ նախագահ Գագիկ Հարությունյանն անարգելք մտավ դատարանի շենք
ԲԴԽ նախագահ Գագիկ Հարությունյանը կարողացավ անարգելք մտել դատարանի շենք:
10:11
20 Մայիսի 2019
Ցուցարարներն արգելափակել են Սահմանադրական դատարանի շենքի մուտքը
Երևանում վարչապետ  Փաշինյանի կողմնակիցները դատարաններն արգելափակելու ակցիայի շրջանակում արգելափակել են Սահմանադրական դատարանի շենքի մուտքն ու ելքը։
09:02
20 Մայիսի 2019
Փաշինյանի կոչով ժողովուրդը փակել է դատարանների մուտքն ու ելքը
Մարդիկ արդեն դատարանների առաջ են:

01:31
20 Մայիսի 2019
Ոստիկանությունը պարզաբանել է Վիտալի Բալասանյանի մեքենան կանգնեցնելու փաստը
ՀՀ ոստիկանությունը պարզաբանում է ներկայացրել Արցախի Անվտանգության խորհրդի քարտուղար Վիտալի Բալասանյանի մեքենան կանգնեցնելու փաստը։
01:21
20 Մայիսի 2019
Երևանում իրավապահները կանգնեցրել են Արցախի ԱԽ քարտուղար Վիտալի Բալասանյանի մեքենան (ՎԻԴԵՈ)
Երևանում իրավապահները կանգնեցրել են Արցախի ԱԽ քարտուղար Վիտալի Բալասանյանի մեքենան:
01:05
20 Մայիսի 2019
Սա բացառապես իմ դիրքորոշումն էր, ոչ թե քաղաքական թիմինը. «Իմ քայլի» պատգամավորը` դասադուլի մասին
«Իմ քայլ» խմբակցության պատգամավոր Գևորգ Պապոյանը պարզաբանել է վաղը ուսանողների շրջանում դասադուլ կազմակերպելու կոչերը։
00:44
20 Մայիսի 2019
ՄԻՊ–ը հայտարարություն է տարածել Փաշինյանի՝ բոլոր դատարանների ելքերն ու մուտքերը արգելափակելու կոչի վերաբերյալ
Մարդու իրավունքների պաշտպան  Արման Թաթոյանը հայտարարություն է տարածել ՀՀ վարչապետի՝ երկրի բոլոր դատարանների ելքերն ու մուտքերը արգելափակելու կոչի վերաբերյալ։
00:42
20 Մայիսի 2019
Լուսավոր Հայաստան կուսակցությունը կոչ է անում վարչապետին՝ ձեռնպահ մնալ դատարանների մուտքերը փակելու մտադրությունից
Լուսավոր Հայաստան կուսակցությունն ու ԱԺ խմբակցությունը հայտարարություն են տարածել:
00:15
20 Մայիսի 2019
Հայաստանում կառավարման ճգնաժամը վերածվում է անիշխանության. «Ժառանգություն»
«Ժառանգությունը» հայտարարություն է տարածել Փաշինյանի կոչի կապակցությամբ։
23:32
19 Մայիսի 2019
ՀՀԿ–ն հայտարարություն է տարածել Փաշինյանի կոչի կապակցությամբ
ՀՀԿ–ն հայտարարություն է տարածել Նիկոլ Փաշինյանի կոչի կապակցությամբ։
23:08
19 Մայիսի 2019
Փաշինյանը մեկնաբանեց դատարաններն արգելափակելու իր կոչը. ես չեմ կանգ առնի ոչնչի առջև (ՎԻԴԵՈ)
Հայաստանի վարչապետ Նիկոլ Փաշինյանը հայտնեց, թե ինչպես է կազմակերպվելու Հայաստանում բոլոր դատարանների արգելափակման ակցիան:
22:25
19 Մայիսի 2019
«Իմ քայլի» պատգամավորը կոչ է անում ուսանողներին վաղը դասադուլ անել
«Իմ քայլի» պատգամավորը կոչ է անում ուսանողներին վաղը դասադուլ անել: