480.74
+0.03
511.65
+0.46
7.48
-0.03
+5
Եղանակը Երևանում
Հայ
ՀՀ փոխարտգործնախարարն անհաջող է համարել Պատրիարք Կիրիլի հայտարարությունը
14:47
14 Հունվարի 2016
ԵՐԵՎԱՆ, 14 հունվարի. /Նովոստի–Արմենիա/. ՀՀ ԱԳ փոխնախարար Շավարշ Քոչարյանն անհաջող է համարել Մոսկվայի և Համայն Ռուսիո Պատրիարք Կիրիլի հայտարարությունը Օսմանյան կայսրությունում փոքրամասնությունների մասին։

«Ռոսիա» հեռուստաալիքին տված հարցազրույցում Պատրիարք Կիրիլը նշել է, որ քրիստոնյաների և մահմեդականների միջև հարաբերություններն անամպ չեն եղել` ավելացնելով, որ պատմության  մեջ եղել են և՛ բռնի հավատափոխության դեպքեր, և՛ Բյուզանդիայի քրիստոնեական տարածքների գրավումներ։ «Բայց եթե փակագծերից այն կողմ թողնենք բուն ռազմական գործողությունները, որ ուղեկցվել են կորուստներով թե մեկ, թե մյուս կողմից, ապա երբևէ իսլամական աշխարհում տեղի չի ունեցել այն, ինչ հիմա է կատարվում։ Որպես օրինակ՝ Համայն Ռուսիո պատրիարքը բերել է Օսմանյան Թուրքիան: «Այո՛, եղել են քրիստոնեական փոքրամասնություններ, բայց նրանց ոչ ոք չի ոչնչացրել»,- հայտարարել է նա։

Տեղական ԶԼՄ–ներում և սոցցանցերի հայկական հատվածունմ Պատրիարքի այս հայտարարությունը սկսեցին մեկնաբանել որպես Հայոց ցեղասպանության անուղղակի ժխտում։

Ավելի ուշ Պարտիարք Կիրիլի մամուլի ծառայության ղեկավար Ալեքսանդր քահանա Վոլկովը հանդես է եկել հայտարարությամբ` նշելով, որ Հայոց ցեղասպանության հարցում Ռուս Ուղղափառ Եկեղեցու դիրքորոշումը բազմիցս պարզ արտահայտվել է բազմաթիվ պաշտոնական հայտարարություններում և Պատրիարքի ուղերձներում, այն մնում է անփոփոխ։

«Այդ հայտարարությունից հետո եղել է Ռուսիո պատրիարքի մամուլի խոսնակի մեկնաբանությունը, թե իբր դա չի վերաբերվում Հայոց ցեղասպանությանը, բայց ամեն դեպքում, կարծում եմ, որ այդ հայտարարությունը շատ անհաջող էր», – ասաց Քոչարյանը` ձեռնպահ մնալով այլ մեկնաբանություններից։

Ռուսիո պատրիարքի մամուլի խոսնակն իր մեկնաբանություններում նշել է, որ «Россия»  հեռուստաընկերությանը տված իր հարցազրույցում սրբագույն պատրիարք Կիրիլը խոսել է վերջին տարիների ընթացքում Սիրիայում և Իրաքում ապրող քրիստոնյաների սարսափելի վիճակի մասին:  «Այս իրավիճակի հետ կապված Պատրիարքը որպես օրինակ առաջ է բերել Օսմանյան կայսրության ժամանակաշրջանի պատմության օրինակը, երբ ստեղծված իրավիճակն ապահովում էր կրոնական փոքրամասնությունների բացարձակ անվտանգությունը», – նշվում է հայտարարության մեջ։

«Այս իրավիճակի բացակայությունը, ինչպես 100 տարի առաջ Օսմանյան կայսրությունում, այնպես էլ այժմ `ժամանակակից Իրաքում, Սիրիայում, Լիբիայում հանգեցնում է ողբերգական իրադարձությունների զարգացման: Հենց այդ պատճառով էլ մենք ներկայիս իրադարձություններն որակում ենք ցեղասպանություն», – նշել է Ալեքսանդր քահանա Վոլկովը։

Հայոց ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին շուրջ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Արևմուտքի քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես` Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, Գերմանիան, Հոլանդիան, Սլովակիան, Շվեդիան, Շվեյցարիան, ԱՄՆ 42 նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի, Լյուքսեմբուրգի խորհրդարանները, Կանադայի խորհրդարանի համայնքների պալատը և Լեհաստանի սեյմը, Պարագվայի Սենատը,Վատիկանը, Եվրախորհդարանը, Եկեղեցիների համաշխարհային խորհուրդը։ -0-

Loading...
Թեմատիկ նյութեր
Բաժնի այլ նյութեր
14:27
03 Դեկտեմբերի 2016
Հայաստանում կարգավորիչը սանիտարահիգիենիկ պահանջների խախտումներ է հայտնաբերել մսամթերք արտադրող երկու ընկերությունների արտադրանքներում
ՀՀ ԳՆ ՍԱՊԾ-ն ստուգումներ է իրականացրել մսամթերք արտադրող «Հայր և որդի Սարգսյաններ»  և «Երեմկա»  ՍՊԸ-ներում:
14:25
03 Դեկտեմբերի 2016
Տաք և սառը հոսանքների ողջագուրումը շուտով կավարտվի. օդերևութաբան
Ուժեղ քամիները, որոնց ազդեցության ներքո գտնվում է Հայաստանը, շուտով կնահանջեն:
13:30
03 Դեկտեմբերի 2016
ՀՀ վարչապետը նշանակել է Սոցիալական ապահովության պետական ծառայության նոր պետ
Համապատասխան հրամանը ՀՀ վարչապետ Կարեն Կարապետյանը ստորագրել է նախօրեին:
11:20
03 Դեկտեմբերի 2016
ՀՀ ԿԳ նախարարն առաջարկում է արգելել բուհերում քննությունների բազմանգամյա վերահանձնումը
Ուսանողներին հարկավոր է արգելել բուհերում մի քանի անգամ վերահանձնել քննությունները, նախօերին լրագրողներին ասաց ՀՀ կրթության և գիտության նախարար Լևոն Մկրտչյանը:
10:00
03 Դեկտեմբերի 2016
Նախորդ շաբաթվա կարևոր նորությունների հնգյակը
«Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։
19:29
02 Դեկտեմբերի 2016
Հայ զինծառայողները երդվում են առաջնագիծ մեկնելուց առաջ (ԼՈւՍԱՆԿԱՐՆԵՐ, ՏԵՍԱՆՅՈւԹ)
Ռազմական լրագրողները երեքշաբթի դարձել են հանդիսավոր և հուզիչ մի իրադարձության ականատեսը Ադրբեջանի հետ սահմանագծի հյուսիս–արևմտյան հատվածում գտնվող զորամասերից մեկում։
19:04
02 Դեկտեմբերի 2016
Հավանության է արժանացել Ռազմարդյունաբերական և ռազմատեխնիկական քաղաքականության ռազմավարությունը
ՀՀ վարչապետ Կարեն Կարապետյանի գլխավորությամբ կառավարությունում տեղի է ունեցել ՀՀ ռազմարդյունաբերական հանձնաժողովի հերթական նիստը:
18:39
02 Դեկտեմբերի 2016
Հայտնի նկարչի որմնանկարը վերականգնվել է Գյումրիում ԱՄՆ դեսպանատան միջոցներով
ՀՀ-ում ԱՄՆ դեսպան Ռիչարդ Միլսը ՀՀ մշակույթի նախարար Արմեն Ամիրյանի հետ միասին ուրբաթ այցելել է Գյումրի՝ նշանավորելու հայտնի նկարիչ Հակոբ Հակոբյանի «Սարերում» որմնանկարի վերականգնման ու պահպանման աշխատանքների ավարտը:
18:10
02 Դեկտեմբերի 2016
«Փոքր Մհեր» կրթահամալիրում կիրականացվեն արմատական փոփոխություններ
ՀՀ ԿԳ նախարար Լևոն Մկրտչյանի նախաձեռնությամբ հրավիրվել է «Փոքր Մհեր» կրթահամալիրի կառավարման խորհրդի արտահերթ նիստ, որտեղ քննարկվել են կրթահամալիրում ստեղծված իրավիճակի վերաբերյալ ԿԳՆ կատարած ուսումնասիրությունն ու առկա խնդիրների լուծմանն ուղղված հարցեր:
17:57
02 Դեկտեմբերի 2016
Վանաձորի երաժշտական դպրոցում անցկացվեցին վարպետության դասեր Beeline-ի աջակցությամբ
Beeline-ի և Դասական երաժշտության զարգացման հիմնադրամի համագործակցության շրջանակում Վանաձոր քաղաքի №1 երաժշտական դպրոցի սաների համար ուրբաթ անցկացվել են վարպետության դասեր:
15:41
02 Դեկտեմբերի 2016
Հայաստանի ակտիվ ներգրավվածությունը շատ կարևոր է երկրի արտաքին հարաբերությունների արդյունավետ կառուցման համար. ՀՀ նախագահ
ՀՀ արտաքին գործերի նախարարը նախագահին զեկուցել է միջազգային կազմակերպություններում Հայաստանի ակտիվ ներգրավվածության ուղղությամբ արտաքին քաղաքական գերատեսչության կողմից իրականացվող աշխատանքների ընթացքը, առաջիկա անելիքներն ու ձեռքբերումները:
14:48
02 Դեկտեմբերի 2016
Նախարարն առաջարկում է փոխել բուհերում ավարտական պետական քննությունների ոչ արդյունավետ համակարգը
Հայաստանի բուհերում պետական ավարտական քննությունների համակարգը կոռուպցիոն ռիսկեր է պարունակում և արդյունավետ չէ: