ԵՐԵՎԱՆ, 21 հուլիսի./Նովոստի–Արմենիա/. Վրաստանի Գորի քաղաքի մոտակայքում հուլիսի 7-ին տեղի ունեցած վթարից ծանր ողնաշարի վիրահատությունից 1 շաբաթ անց 17–ամյա Լիլիան առաջին անգամ ոտքի է կանգնել։
Загружается новость ... "Лево"
Ինչպես նշվում է «Սուրբ Աստվածամայր» բժշկական կենտրոնի Facebook–յան էջում, նախօրեին Վրաստանի մոտակայքում տեղի ունեցած վթարի հետևանքով ծանր վիճակում «Սուրբ Աստվածամայր» բժշկական կենտրոն տեղափոխված աղջկա ծննդյան օրն էր։ Նա դարձավ 17 տարեկան։
Իրեն բուժող բժիշկներն ու ԲԿ-ի տնօրինությունը նրա համար անակնկալ էին պատրաստել: Ծաղիկներ, փուչիկներ, տորթ ու նվերներ էին բերել նրան: Իսկ ամենամեծ նվերն այն է, որ ծանր ողնաշարի վիրահատությունից մեկ շաբաթ անց աղջիկն առաջին անգամ ոտքի կանգնեց։
«Ես հույս չունեի, որ նորից երբևէ ոտքի կկանգնեմ ու կքայլեմ...», - բժիշկների հետ զրույցում անկեղծացավ գեղեցկուհի Լիլիան:
«Արդի բժշկությունն ու հազարավոր մարդկանց աղոտքներն այս անգամ էլ հաղթեցին», – նշվում է ԲԿ–ի հաղորդագրության մեջ։
Հիշեցնենք՝ հուլիսի 7-ին հանգստի մեկնելու ճանապարհին, Գորիի մոտակայքում վարորդը կորցրել էր մեքենայի կառավարումն ու բախվել արգելապատնեշին: Վթարի հետևանքով մահացել էր 3 մարդ, 5-ը տարբեր աստիճանի վնասվածքներ ստացել։–0–