ԵՐԵՎԱՆ, 29 մայիսի./Նովոստի–Արմենիա/. «Վեթինգի մասին» օրինագծի մշակումը գտնվում է ավարտական փուլում, չորեքշաբթի ԱԺ–ում հայտարարեց «Իմ քայլը» իշխող խմբակցության ղեկավար Լիլիթ Մակունցը։
Загружается новость ... "Лево"
Մայիսի 19–ին ՀՀ վարչապետ Նիկոլ Փաշինյանը հայտարարել է «Հանուն անկախ դատարանների» ակցիայի մեկնարկի մասին և կոչ է արել երկուշաբթի առավոտյան արգելափակել բոլոր դատարանների շենքերի ելքերն ու մուտքերը։ Երկուշաբթի 8։30–ից մինչև 13։30–ը վարչապետի կոչով ակտիվիստների խմբերն ապաարգելափակել են երկրի դատարանների մուտքերը։
Նույն օրը Փաշինյանը հայտարարել է, որ դատարանները չեն օգտվում հանրության վստահությունից, և եկել է դատական համակարգում «վիրահատական միջամտության» ժամանակը։ Մասնավորապես, նրա խոսքով, Հայաստանի դատավորները պետք է ենթարկվեն vetting ի։ Փաշինյանը նաև հայտարարել է, որ երկրում եկել է անցումային արդարադատության մեխանիզմների ներդրման անհրաժեշտությունը։
««Իմ քայլը» վեթինգի նախագծի մշակումը նախաձեռնել է դեռևս մի քանի ամիս առաջ։ Հիմա մենք գտնվում ենք ավարտական փուլում, և ես առաջարկում եմ խորհրդարանական ընդդիմությանը` «Բարգավաճ Հայաստան» և «Լուսավոր Հայաստան» խմբակցություններին, մեկ շաբաթում ներկայացնել գրավոր առաջարկներ այն մասին, թե ինչ նրանք կցանկանային ներառել այդ օրինագծում, ինչպես նաև նշել իրենց հուզող ասպեկտները», – ասաց Մակունցը։
Загружается новость ...
"Право"
Նրա խոսքով, առաջարկը վերաբերում է նաև հասարակական կազմակերպություններին և կառույցներին, որոնք հետաքրքրված են այդ գործընթացով։
«Լուսավոր Հայաստան» խմբակցության ղեկավար Էմդոն Մարուքյանը տարակուսանք հայտնեց` ընդգծելով, որ եթե օրինագիծը մշակվում է մի քանի ամիս, ապա ընդդիմադիր ուժերը ևս պետք է ներառված լինեին մշակողների խմբում, որպեսզի կարողանային ներկայացնել իրենց առաջարկները։
«Եթե մի քանի ամիս առաջ եք սկսել «Վեթինգի մասին» օրինագծի մշակումը, իսկ մենք անգամ խաբար չենք, ապա դա արդեն վատ ազդակ է։ Գիտեմ, որ դուք մի քանի ամիս առաջ չեք աշխատել այդ հարցի վրա, դուք զբաղվել եք անցումային արդարադատության առաջարկների մշակմամբ, իսկ վեթինգը նոր է հայտնվել» ,– ասաց Մարուքյանը` նշելով, որ նման հարցերով հարկավոր է ստեղծել աշխատանքային խումբ և զբաղվել համատեղ քննարկումներով և մշակումներով։
«Եթե դուք արդեն ինչ–որ բան մշակել եք, ապա մենք պետք է տեղյակ լինեինք և դրանց հիման վրա ներկայացնեինք առաջարկներ։ Իսկ հիմա մենք դեռ ծանոթ չեք փաստաթղթին, չենք կարող ներկայացնել մեր առաջարկները։ Միաժամանակ այս դեպքում դուք կհայտարարեք, որ մենք հրաժարվում ենք աշխատել իշխանությունների առաջարկների հետ», – ասաց Մարուքյանը։–0–