ԵՐԵՎԱՆ, 2 օգոստոսի. /Նովոստի–Արմենիա/. ԱԻՆ «Հիդրոմետ» ծառայության օդերևութաբանության կենտրոնի պետ Գագիկ Սուրենյանը հայտնում է, որ հանրապետության տարածքում օդի ջերմաստիճանը նվազել է։
«Այսօր ժամը 18։00 դրությամբ , երեկվա նույն ժամի հետ համեմատ օդի ջերմաստիճանը բոլոր մարզերում նվազել է 6-8 աստիճանով, իսկ Լոռիում, Տավուշում , Սյունիքում և Արցախում 8-10 աստիճանով։ Եթե Երևանում երեկ 18։00-ին +38․․․+39 աստիճան էր, ապա այսօր օդի ջերմաստիճանը նույն ժամին +30․․․+31 աստիճան է», – նշել է օդերևութաբանը Facebook–յան իր էջում։–0–