Սերժ Սարգսյանին մեղադրանք է առաջադրվել

ԵՐԵՎԱՆ, 22 նոյեմբերի./Նովոստի–Արմենիա/. ՀՀ նախկին նախագահՍերժ Սարգսյանին մեղադրանք է առաջադրվել առանձնապես խոշոր չափերով կաշառք ստանալու համար։ Այս մասին հայտնում է Հանրային հեռուստաընկերությունը` հղում անելով Հակակոռուպցիոն կոմիտեի մամուլի քարտուղար Մարինա Օհանջյանին։

Սարգսյանի նկատմամբ որպես խափանման միջոց է ընտրվել երկրից չհեռանալու մասին ստորագրությունը։

Այսօր ավելի վաղ Սարգսյանի փաստաբան Ամրամ Մակինյանը հայտնել էր, որ նախկին նախագահը կանչվել է հարցաքննության որպես մեղադրյալ։ Խոսքը ձեռնարկատեր Սիլվա Համբարձումյանի հայցով հարուցված գործի մասին, որի առանցքային դերակատարներից է ՀՀ երկրորդ նախագահ Ռոբերտ Քոչարյանը։

Ինչպես հաղորդվել է ավելի վաղ, քաղաքացի Համբարձումյանը հայտարարել է քննությանը, որ 2008թ.–ին 7մլն դոլարի կաշառք է տվել Քոչարյանին մոտ կանգնած անձանց, որպեսզի այդ գումարը փոխանցվի Քոչարյանին, Սերժ Սարգսյանին և Արմեն Գևորգյանին (ՀՀ նախագահի աշխատակազմի նախկին ղեկավարը)։ Համբարձումյանը հայտարարել է, որ այդկերպ փորձել է խուսափել, որպեսզի իշխանությունները միջամտեն իր բիզնեսի մեջ։–0–