ԵՐԵՎԱՆ, 12 սեպտեմբերի./Նովոստի–Արմենիա/. ՀՀ երկրորդ նախագահ Ռոբերտ Քոչարյանի փաստաբան Արամ Օրբելյանը հինգշաբթի ընդհանուր իրավասության դատարանում անցկացվող նիստի ժամանակ պահանջեց անհապաղ ազատ արձակել Քոչարյանին` առանց խափանման որևէ միջոցի կիրառման։
Պաշտպանությունը հիմնվում է նաև Սահմանադրական դատարանի հայտարարության վրա, որը Սահմանադրությանը չհամապատասխանող է ճանաչել Քոչարյանի գործով մեղադրանքի որոշ կետեր։ Դատարանի որոշմամբ, 35–րդ հոդվածով քրեական գործն ու քրեական հետապնդումը հակասում է Սահմանադրության 27–րդ հոդածի 1–ին մասի 4–րդ կետին, 61–րդ հոդվածի 1–ին մասին, 63–րդ հոդվածի 1–ին մասին և 78–րդ հոդվածին։ Պաշտպանությունը նաև հայտարարել է ՀՀ Սահմանադրության 75–րդ հոդվածին հակասելու մասին։
Փաստաբան Հայկ Ալումյանն իր հերթին հայտարարեց, որ պաշտպանությունն ունի փաստեր, որոքն հիմք են տալիս կասկածել դատավոր Աննա Դանիբեկյանի անաչառության մեջ։ Սակայն պաշտպանությունը չի կարող միջնորդություն ներկայացնել դատավորի ինքնաբացարկի մասին։ Դա կապված է այն բանի հետ, որ հենց Դանիբեկյանի նախագահությամբ պետք է քննարկվի Քոչարյանի խափանման միջոցի փոփոխության հարցը, իսկ ինքնաբացարկի միջնորդությունը կխանգարի այս հարցի քննարկմանը։ Ալումյանը նաև նշեց, որ կրկին կդիմի դատավորի ինքնաբացարկի միջնորդության հարցին դատական գործընթացի հաջորդ փուլում։
Հիշեցնենք, որ Սահմանադրական դատարանը սեպտեմբերի 4–ին ուսումնասիրել է Ռոբերտ Քոչարյանի դիմումի հիման վրա՝ Հայաստանի Հանրապետության քրեական դատավարության օրենսգրքի 135-րդ հոդվածի 2-րդ մասի (Խափանման միջոց կիրառելու հիմքերը) և 35-րդ հոդվածի (Քրեական գործի վարույթը կամ քրեական հետապնդումը բացառող հանգամանքներ)՝ Սահմանադրությանը համապատասխանության հարցը»: ՍԴ–ն Սահմանադրությանը չհամապատասխանող է ճանաչել Քոչարյանի գործով մեղադրանքի որոշ կետեր։ Դատարանի որոշմամբ, 35–րդ հոդվածով քրեական գործն ու քրեական հետապնդումը հակասում է Սահմանադրության 27–րդ հոդածի 1–ին մասի 4–րդ կետին, 61–րդ հոդվածի 1–ին մասին, 63–րդ հոդվածի 1–ին մասին և 78–րդ հոդվածին։–0–
