ԵՐԵՎԱՆ, 7 մայիսի./Նովոստի–Արմենիա/. ՀՀ վարչապետ Նիկոլ Փաշինյանն այսօր այցելել է Հայաստանի հանրային ռադիո և շնորհավորել աշխատակիցներին ու ղեկավարությանը Ռադիոյի օրվա կապակցությամբ։
2018թ.–ի ապրիլի 14–ին Փաշինյանն ու նրա կողմնակիցները ներխուժել են Հանրային ռադիոյի շենք` ուղիղ եթեր դուրս գալու համար։ Սակայն թույլտվություն չէին ստացել, իսկ ուղիղ եթերն անջատվել էր։
«Անցած տարի ես ներխուժեցի, ինչի համար մի քանի անգամ ներողություն եմ խնդրել։ Ուզում կրկին դա անել», – ասել է Փաշինյանը լուրերի արտակարգ թողարկման ժամանակ։
Նա հրաժարվեց նշել, թե որ ձեռքբերումների մասին է խոսելու վաղը կայանալիք ասուլիսի ժամանակ` տեղեկացնելով միայն, որ այն կսկսվի նոր Հայաստանի մասին 100 փաստեր ներկայացնելուց։
Ինչ վերաբերում է քաղաքացիներին հուզող հարցերին, ապա Փաշինյանը նշեց, ո դրանք վերաբերում են տնտեսական և սոցիալական վիճակին։ Նա հիշեցրեց, որ ՀՀ կառավարությունը պատրաստվում է բարձրացնել զինծառայողների և ուսուցիչների աշխատավարձերը, կիրականացվեն կապիտալ ներդրումներ։
«Կարող ենք արձանագրել, որ տնտեսական հեղափոխության առաջին փուլը հաջող է անցել», – ասաց Փաշինյանը` խոստանալով վաղը մանրամասն անդրադառնալ այս թեմային։
Նա նաև տեղեկացրեց, որ մտադիր է հունիսի սկզբին երկու օրով արձակուրդ վերցնել, քանի որ թավշյա հեղափոխությունից հետո գրեթե չի հանգստացել։
Դրանից հետո Փաշինյանը շրջել է Հանրային ռադիոյի շենքում, ստուգել, որ նախորդ տարի իր կողմնակիցների կողմից կոտրված դուռը վերանորոգվել է։
«Իմ այցը կրում է սիմվոլիկ բնույթ, դա վերադարձ էր Հանրային ռադիո։ Հաջողվեց անել այն, ինչ չէր ստացվել նախորդ տարի` ելույթ ունենալ ուղիղ եթերում», – ասաց Փաշինյանը։–0–