ԵՐԵՎԱՆ, 26 հուլիսի./Նովոստի–Արմենիա/. Այսօր Մարզահամերգային համալիրի մոտակայքում բռնկված հրդեհը մարվել է։
ՀՀ ԱԻՆ Փրկարար ծառայության հաղորդմամբ, հուլիսի 26-ին, ժամը 13:00-ին «911» ծառայությանն ահազանգ է ստացվել, որ Երևան քաղաքի Կարեն Դեմիրճյանի անվան մարզահամերգային համալիրի մոտակայքում այրվում է բուսածածկույթ:
Դեպքի վայր են մեկնել ԱԻՆ ՓԾ հրշեջ-փրկարարական ջոկատից երեք մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Հրդեհը մեկուսացվել է ժամը 14:27-ին, մարվել՝ 14:54-ին:
Այրվել է մոտ 1.5 հա բուսածածկույթ: Հրդեհի հետևանքով տուժածներ չկան:–0–