Մարությանը պարզաբանել է մետրոյի նոր կայարանների բացման հետ կապված իրավիճակը

ԵՐԵՎԱՆ, 29 հունվարի./Նովոստի–Արմենիա/. Առաջիկայում Երևանի Աջափնյակում համայնքում կբացվի մետրոպոլիտենի նոր կայարան, երեքշաբթի լրագրողներին ասաց Երևանի քաղաքապետ Հայկ Մարությանը։

«Մետրոնի նոր կայարանների բացման մասին հայտարարությունը պատրանք կամ պոպուլիզմ չէ։ Մենք աշխատանքներ ենք տանում այդ ուղղությամբ։ Արդեն գործում է աշխատանքային խումբ, որը զբաղվում է այդ հարցով», – ասաց նա։

«Երբ խոսում ենք Աջափնյակ համայնքում մետրոյի երկու կայարան բացելու մտադրության մասին, ի նկատի ունենք, որ 2 կամ 3 տարում կբացվի միանգամից երկու կայարան», – ավելացրեց նա։

Մարությանը նշեց, որ քաղաքապետարանն արդեն սկսել է մերժել շենքերի շինարարության թույլտվության տրամադրման հարցում այն վայրերում, որտեղ անցնելու է մետրոպոլիտենի նոր ստորգետնյա ճյուղը։

Քաղաքապետի խոսքով, առաջին կայարանը կբացվի «Թումոյի» մոտ, երկրորդ` դեպի կվարտալ տանող ճանապարհին։–0–