«Մարտի 8–ը` խորը ցավով». ընդդիմությունը երթ էր կազմակերպել դեպի Եռաբլուր (ՎԻԴԵՈ)

ԵՐԵՎԱՆ, 8 մարտի./Նովոստի–Արմենիա/. Հայրենիքի փրկության շարժման առաջնորդներն ու ակտիվիստները, ինչպես նաև նրանց աջակցող քաղաքացիներն այսօր երթ էին կազմակերպել դեպի Եռաբլուր։

Երթի մասնակիցները, որոնց թվում շատ էին կանայք, հավաքվել էին Բաղրամյան պողոտայում, որտեղ փետրվարի 25–ից շարունակվում է ընդդիմության անժամկետ ակցիան` վարչապետ Նիկոլ Փաշինյանի հրաժարականի պահանջով։

Պանթեոնում երթի մասնակիցները ծաղիկներ դրեցին Արցախյան պատերազմում իրենց կյանքը զոհաբերած հերոսների շիրիմներին։–0–