ԵՐԵՎԱՆ, 7 հունիսի. /Նովոստի-Արմենիա/. Կալանքի տակ գտնվող նախկին պատգամավոր, գեներալ Մանվել Գրիգորյանի առողջության վիճակը շարունակում է մնալ կայուն ծանր լաբորատոր ցուցանիշների վատացման պայմաններում: Այդ մասին «Նովոստի-Արմենիա» գործակալության հետ զրույցում հայտնեց «Սուրբ Գրիգոր Լուսավորիչ« բժշկական կենտրոնի փոխտնօրեն Պետրոս Մանուկյանը:
«Հիվանդանոց ընդունվելուց հետո Գրիգորյանի առողջական վիճակը մնում է անփոփոխ և գնահատվում է որպես կայուն ծանր: Բժշկական կենտրոնում նրա գտնման առաջին օրվա համեմատ որոշ լաբորատոր ցուցանիշներ բացասական են, սակայն կլինիկորեն նա գտնվում է նույն վիճակում», - ասաց Մանուկյանը` նշելով, որ Գրիգորյանը շարունակում է մնալ վերակենդանացման բաժանմունքում բժիշկների հսկողության տակ:
Ըստ նրա, գրանցվում է, մասնավորապես, արյան մեջ շաքարի մակարդակի զգալի աճ, սակայն դա չի կարող ազդել ընդհանուր վիճակի վրա:
«Երեկվա համեմատ գրանցվել է արյան մեջ շաքարի մակարդակի աճ, սակայն դա կատաստրոֆիկ չէ: Նման տատանումներ հնարավոր են: Եթե Գրիգորյանը կայուն կերպով չստանա անհրաժեշտ բուժում, նրա առողջական վիճակը կտրուկ կվատանա», - ասաց Մանուկյանը:
Հիշեցնենք, որ Գրիգորյանը ՔԿՀ–ից տեղափոխվել է քաղաքացիական հիվանդանոց հունիսի 6–ին։ Նա հոսպիտալացվել է նախակոմատոզ վիճակում։ Ավելի ուշ Հայաստանի օմբուդսմեն Արման Թաթոյանը լրագրողներին տեղեկացրել է, որ Գրիգորյանը հրաժարվել է բժշկական օգնությունից և դեղորայքից։–0–
Հունիսի 16–ին ԱԱԾ մամուլի ծառայությունը հայտարարություն տարածեց` նշելով, որ ԱԺ պատգամավոր, գեներալ Մանվել Գրիգորյանը ձերբակալվել է ՀՀ քրեական օրենսգրքի 235-րդ հոդվածի 2-րդ մասով («Մի խումբ անձանց կողմից նախնական համաձայնությամբ հրազեն և ռազմամթերք ապօրինի կերպով ձեռք բերելը և պահելը») նախատեսված հանցագործություն կատարելու կասկածանքով: Հունիսի 18–ին ԱԱԾ–ն հրապարակեց սենսացիոն կադրեր Մանվել Գրիգորյանի ձերբակալությունից։ Տեսանյութում երևում է, որ Մանվել Գրիգորյանի հանգստյան գոտին վերածվել էր զինապահեստի, ռետրո և ժամանակակից ավտոմեքենաների ավտոպարկի: Ակնալճի ամառանոցը գեներալի համար ծառայել է որպես «զինվորի բաժին» նշագրումով սննդի, հիգիենիկ պարագաների, դեղորայքի, զինվորական հանդերձանքի պահեստարան:–0–
