Ջերմուկում ճոպանուղին չի գործում ադրբեջանական գնդակոծությունից հետո վնասվելու պատճառով. մարզպետ

ԵՐԵՎԱՆ, 7 նոյեմբերի./Նովոստի-Արմենիա/. Ջերմուկում ճոպանուղին չի աշխատում Ադրբեջանի գնդակոծությունից հետո, ասաց Վայոց Ձորի մարզպետ Արարատ Գրիգորյանն ԱԺ ճեպազրույցում ։

«Հրթիռակոծության ժամանակ ճոպանուղին ամբողջությամբ վնասվել է, այժմ այն չի գործում: Աշխատում ենք դրա գործունեությունը վերականգնելու ուղղությամբ»,- ասաց նա։

Գրիգորյանն ընդգծեց, որ այս պահին վտանգ չի տեսնում, եթե ճոպանուղու աշխատանքը վերականգնվի, սակայն չի բացառում հակառակորդի կողմից հնարավոր հարձակման ռիսկը։-0-