ԵՐԵՎԱՆ, 3 հունիսի./Նովոստի–Արմենիա/. Առաջիկա օրերին ջերմաստիճանային ռեկորդ է սպավում Արարատյան դաշտում և Երևանում։
Ինչպես Facebook–յան իր էջում նշել է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը, հունիսի 5-6-ին Արարատյան դաշտում և Երևանում օդի ջերմաստիճանը ցերեկային ժամերին կհասնի +38․․․+39 աստիճանի։
«Մեր ողջ օդերևութաբանական պատմության ընթացքում, հունիսի առաջին տասնօրյակում Արարատյան դաշտում և Երևանում նման ջերմաստիճան երբևիցե չի գրանցվել», – նշել է օդերևութաբանը։
Հայպետհիդրոմետի հաղորդմամբ, հանրապետության տարածքում օդի ջերմաստիճանը հունիսի 3–6–ն աստիճանաբար կբարձրանա 5–6 աստիճանով։ Միաժամանակ, հունիսի 3–7–ն առանձին շրջաններում կեսօրից հետո սպասվում է կարճատև անձրև ու ամպրոպ։
Երևանում կանխատեսվում է առանց տեղումների եղանակ։–0–