«Հարսանիք Գառնիում»․ սոցցանցերում վրդովված են տաճարի տարածքում անցկացված միջոցառումից, գերատեսչությունն արձագանքել (ՎԻԴԵՈ)

ԵՐԵՎԱՆ, 5 սեպտեմբերի․/Նովոստի-Արմենիա/․ Սոցցանցերում հերթական սկանդալն է՝ կապված Գառնի հեթանոսական տաճար տարածքում կազմակերպված հարսանիքի հետ։

Որոշ օգտատերեր և տուրօպերատորներ նշում են, որ այդ միջոցառման պատճառով տաճարի մուտքը փակ էր զբոսաշրջիկների և տեղացիների համար։ Մինչև ուշ գիշեր տաճարի տարածքից հնչում էր ռաբիս երաժշտություն։

Իրավիճակին արձագանքել է ՀՀ զբոսաշրջության կոմիտեն։

«Զբոսաշրջության կոմիտեն ստացել է բազմաթիվ բողոքներ ոլորտի ներկայացուցիչների կողմից Գառնիում տեղի ունեցած փակ միջոցառման վերաբերյալ։ Մենք հետամուտ ենք այս խնդրի շուրջ լայն քննարկումներ նախաձեռնել համապատասխան գերատեսչությունների մասնակցությամբ` պատմամշակութային և զբոսաշրջային նշանակության վայրերում միջոցառումների անցկացումը կանոնակարգելու համար», - նշվում է կոմիտեի Facebook-յան էջում։-0-