ՀՀ–ում դատապարտյալի հետանցքից հայտնաբերվել է փաթեթ, որում եղել է մկրատի կոտրած ծայր և 2 ներարկիչ (ՖՈՏՈ)

ԵՐԵՎԱՆ, 16 սեպտեմբերի./Նովոստի–Արմենիա/. «Արթիկ» ՔԿՀ–ի դատապարտյալի հետանցքից հայտնաբերվել է փաթեթ, որում եղել են մկրատի կոտրած ծայր և 2 ներարկիչ։

Ինչպես հաղորդում է ՀՀ արդարադատության նախարարության քրեակատարողական ծառայությունը, միջադեպը տեղի է ունեցել սեպտեմբերի 15–ին։

«Քրեակատարողական հիմնարկի ծառայողները, իրացնելով օպերատիվ տվյալներ, անձնական զննության են ենթարկել կարճատև տեսակցությունից դուրս եկած կալանավորված անձ Ա․ Ս․-ին։ Զննության արդյունքում նրա հետանցքից հայտնաբերվել է փաթեթ, որում առկա են եղել մկրատի կոտրած ծայր և 2 ներարկիչ, իսկ տաբատի գրպանից՝ պահպանակ և մուգ դեղին ռեզինի կտոր», – նշվում է գերատեսչության հաղորդագրության մեջ։

Փաստերի առթիվ նախապատրաստվում են նյութեր: Նշանակվել է դատաքիմիական փորձաքննություն:–0–