ՀՀ նախագահը Վահրամ Բաղդասարյանի հետ քննարկել է երկրում ստեղծված իրավիճակի հանգուցալուծման ուղիները

ԵՐԵՎԱՆ, 7 մարտի./Նովոստի–Արմենիա/. Հանրապետության նախագահ Արմեն Սարգսյանն այսօր հանդիպել է Հայրենիքի փրկության շարժման մաս կազմող՝ Հայաստանի Հանրապետական կուսակցության Գործադիր մարմնի անդամ Վահրամ Բաղդասարյանի հետ, հաղորդում է ՀՀ նախագահի մամուլի ծառայությունը:

Հանդիպումը տեղի է ունեցել Հանրապետության նախագահի հրավերով:

Զրուցակիցները մտքեր են փոխանակել երկրում ստեղծված իրավիճակի հանգուցալուծման, վերջին իրադարձություններով պայմանավորված լարվածության թուլացման ուղիների շուրջ:–0–